Hafnarstjórn

183. fundur 01. mars 2016 kl. 12:00 - 13:05 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Kristján Andri Guðjónsson formaður
  • Daníel Jakobsson aðalmaður
  • Hafdís Gunnarsdóttir aðalmaður
  • Marzellíus Sveinbjörnsson áheyrnarfulltrúi
  • Valur Sæþór Valgeirsson varamaður
  • Hálfdán Bjarki Hálfdánsson starfsmaður Ísafjarðarbæjar
Starfsmenn
  • Guðmundur M Kristjánsson hafnarstjóri
Fundargerð ritaði: G. Magnús Kristjánsson hafnarstjóri
Dagskrá

1.Mávagarður - Þybbumannvirki - 2016030002

Fyrir fundinum liggja 2 tillögur að þybbumannvirki, annars vegar frá Verkís og hins vegar frá hafnamálasviði Vegagerðar Íslands ásamt minnisblaði frá báðum aðilum.
Nefndin felur sviðsstjóra umhverfis- og eignasviðs að leggja mat á tillögurnar og leggja álit fyrir nefndina.

2.Hafnasamband Íslands - Ýmis erindi og fundargerðir 2013-2015 - 2013060031

Fyrir fundinum liggja fundargerðir 380. og 381. stjórnarfunda Hafnasambands Íslands.
Fundargerðirnar lagðar fram til kynningar.

3.Viðbragðsáætlun vegna bráðarmengunar innan hafnarsvæða - 2016010016

Fyrir fundinum liggja drög að viðbragðsáætlun vegna bráðamengunar unnin af Ralf Trylla, umhverfisfulltrúa Ísafjarðarbæjar.
Nefndin þakkar umhverfisfulltrúa fyrir vel unnin drög.

Gestir

  • Ralf Trylla - mæting: 12:20

4.Umhverfisstefna Ísafjarðarbæjar - 2011090086

Undir þessum lið mætir Ralf Trylla umhverfisfulltrúi og kynnir fyrir hafnarstjórn hugmyndir sínar varðandi umhverfisstefnu.
Lagt fram til kynningar.
Ralf Trylla yfirgaf fundinn klukkan 12.30.

5.Ljósmyndasýning á hafnarsvæði - 2016030003

Fyrir fundinum liggur tölvupóstur frá Jónu Símoníu Bjarnadóttur, forstöðumanns Safnahúss dags. 19.02.2016 þar sem gerð er tillaga að ljósmyndasýningu sem sýnir Ísafjörð í vetrarbúningi.
Hafnarstjórn samþykkir að taka þátt í verkefninu.

6.Mávagarður C - umsókn um lóð - 2014120069

Vestfirskir verktakar sækja um endurnýjun á lóðarumsókn fyrir lóðina Mávagarður C skv. gildandi deiliskipulagi. Umsókn dags. 15. janúar 2015.
Umsókninni er vísað til umsagnar í hafnarstjórn.
Nefndin gerir ekki athugasemd við umsóknina.

Gestir

  • Ólöf Guðný Valdimarsdóttir - mæting: 12:37

7.Umsóknir um lóðir á Suðurtanga - 2016020037

Fyrir fundinum liggur bréf frá Pétri Sigurðssyni, viðskiptastjóra Skeljungs dags. 22. febrúar 2016 vegna umsóknar á lóð fyrir eldsneytisafgreiðslustöð sem á að koma i staðinn fyrir tank sem er núna við vegg hjá afgreiðslustöð Eimskipa / Flytjanda.
Nefndin felur hafnarstjóra að ræða við bréfritara í þeim tilgangi að finna aðra útfærslu.

8.Mávagarður B - Umsókn um lóð - 2016010041

Vestfirskir verktakar sækja um lóðina Mávagarður B skv. gildandi deiliskipulagi. Umsókn dags. 15. janúar 2015. Umsókninni vísað til umsagnar í hafnarstjórn.
Nefndin gerir ekki athugasemd við tillöguna.

9.Deiliskipulag á Suðurtanga, Ísafirði - 2011020059

Fyrir fundinum liggja tillögur að deiliskipulagi á Suðurtanga.
Lagt fram til kynningar.
Ólöf Guðný Valdimarsdóttir yfirgaf fundinn klukkan 13.04.

Fundi slitið - kl. 13:05.

Er hægt að bæta efnið á síðunni?