Hafnarstjórn

Edda María Hagalín, fjármálastjóri Ísafjarðarbæjar, mætir til fundar til að kynna samantekt um stöðu framkvæmda hafna Ísafjarðarbæjar í lok þriðja ársfjórðungs.

Fjárhagsáætlun gerir ráð fyrir framkvæmdum að fjárhæð 520 m.kr. en í lok þriðja ársfjórðungs hefur verið framkvæmt fyrir 249 milljónir króna. Eftir á að framkvæma fyrir 271 milljón króna.

Fjármálastjóri kynnir niðurstöður uppgjörs hafna Ísafjarðarbæjar fyrir tímabilið janúar til nóvember 2025.

Uppgjörið sýnir jákvæða rekstrarniðurstöðu Hafnarsjóðus upp á 539 m.kr. fyrir janúar til nóvember 2025. Fjárhagsáætlun gerði ráð fyrir jákvæðri rekstrarniðurstöðu upp á 500 m.kr. fyrir sama tímabil og er rekstrarafgangur 39 m.kr. hærri en áætlað var á tímabilinu.

Lagt fram minnisblað hafnarstjóra, Hilmars Lyngmo, dags. 16. desember 2025, þar sem óskað er eftir heimild hafnarstjórnar til að taka þátt í fundi Cruise Europe, Cruise Europe at Sea, sem fram fer 6.-10. febrúar 2026.
Einnig lagðir fram tölvupóstar frá Cruise Europe með upplýsingum um dagskrá og þátttökugjöld.

Lagður fram til kynningar verksamningur hafna Ísafjarðarbæjar við Græjað og gert ehf., frá október 2025, um byggingu girðingar meðfram göngustígum að Neðsta og að Sundahöfn.

Kynnt niðurstaða útboðs Vegagerðarinnar vegna verksins „Suðureyri, flotbryggjur 2025“.
Verkið felst í smíði og uppsetningu á tveimur nýjum flotbryggjum, 20 m x 3 m, með viðlegufingrum og landgangi.