Hafnarstjórn

Lagt fram til kynningar. Hafnarstjórn Ísafjarðarbæjar tekur heilshugar undir bókun Hafnasambands Íslands vegna fyrirhugaðs framlags til hafnargerðar á fjárlögum ársins 2015. Hafnarstjórn telur mikilvægt að fjárframlög til hafnargerðar verði stóraukin. Hafnarstjórn bendir á að einungis 25% af fyrirhugaðri upphæð sem gert var ráðfyrir á frumdrögum samgönguáætlunar ársins 2015 er að finna í fjárlagafrumvarpinu eins og það er lagt fram.

Hafnarstjórn Ísafjarðarbæjar telur mikilvægt að farið verði í eftifarandi verkefni: Fyrirstöðu þybbu á Mávagarði samkvæmt tillögum hafnamálasviðs Vegagerðarinnar. Seinni áfanga löndunarkants á Suðureyri samkvæmt fyrri tillögum hafnamálasviðs Vegagerðarinnar. Uppbyggingu hafskipakants á Flateyri sem hefur sigið mikið frá því að hann var byggður og að gert verði ráð fyrir aukaframlagi ríkisins til að hægt verði að fara í þessa lagfæringu á hafnarkantinum. Einnig verði sótt um fjárframlag vegna flotbryggju á Flateyri og nýja
skútuflotbryggju á Ísafirði.

Marzellíus Sveinbjörnsson, áheyrnarfulltrúi framsóknarflokks í hafnarstjórn, leggur fram eftirfarandi bókun undir þessum lið:
"Undirritaður áheyrnarfulltrúi í hafnarstjórn vill gera að tillögu sinni að leitað verði allra leiða í því að fjölga leguplássum fyrir seglbáta í Ísafjarðarhöfn fyrir sumarið 2015. Meðfylgjandi er bréf frá bátaeigendum og kostnaðaráætlun frá Króla ehf."

Hafnarstjórn tekur undir bókun Marzellíusar Sveinbjörnssonar.

Hafnarstjórn leggur til að gjaldskrá hækki almennt um 3,4% en aflagjald verði óbreytt. Einnig felur hafnarstjórn hafnarstjóra að athuga hvort hægt sé að einfalda gjaldskrána.

Hafnarstjórn felur hafnarstjóra að draga saman endanlegar helstu upphæðir í Fjárhagsáætlun og senda til yfirferðar á hafnarstjórn.

Gert er ráð fyrir að farið verði í framkvæmdir á Gamla olíumúla, gert er ráð fyrir að farið verði í þybbu á Mávagarði og að farið verði í nýja flotbryggju á Flateyri. Byrjað verði á að undirbúa uppbyggingu á hafnskipakanti á Flateyri. Að þjónustubifreið verði keypt. Endurnýjað verði myndavélakerfi vegna uppfærslu ISPS svæðis hafnarinnar en gert er ráð fyrir að Mávagarður og Ásgeirsbakki verði vottaðar ISPS hafnaraðstöður, samhliða þessu verði Mávagarður girtur af og einnig að gerðar verði 30 stk lausar girðingar til notkunar á Ásgeirsbakka. Sett verði hlið á geymsluport á Suðurtanga. Einnig verði brotnir upp 2-3 þekjuflekar á Sundabakka. Grafið verði upp og endurbætt gámaplan á Sundabakka vegna sigs á jarðvegi. Einnig verði hugað að nýrri flotbryggju á skútusvæði Ísafjarðarhafnar.