Fræðslunefnd

392. fundur 24. maí 2018 kl. 08:10 - 09:20 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Sigríður Ólöf Kristjánsdóttir formaður
  • Bragi Rúnar Axelsson varaformaður
  • Jónas Þór Birgisson aðalmaður
  • Gunnhildur Björk Elíasdóttir aðalmaður
  • Elísabet Samúelsdóttir áheyrnarfulltrúi
  • Sif Huld Albertsdóttir varamaður
Starfsmenn
  • Margrét Halldórsdóttir sviðsstjóri skóla- og tómstundasviðs
  • Guðrún Birgisdóttir skóla- og sérkennslufulltrúi
Fundargerð ritaði: Guðrún Birgisdóttir Skóla- og sérkennslufulltrúi

Dagskrá

Áheyrnafulltrúar fyrir grunnskólamál: Jóna Benediktsdóttir, fulltrúi grunnskólastjórnenda, Kristín Björk Jóhannsdóttir og Laufey Eyþórsdóttir, fulltrúar kennara.
Áheyrnafulltrúar fyrir leikskólamál: Svava Rán Valgeirsdóttir, fulltrúi leikskólastjórnenda og Catherine Chambers, fulltrúi foreldra leikskólabarna.

1.Verkefnalisti fræðslunefndar - 2014030064

Lagður fram verkefnalisti fræðslunefndar.
Gerð var grein fyrir hver staðan væri á þeim verkefnum sem liggja fyrir og eru í vinnslu.

2.Skóladagatöl 2018-2019 - 2018020101

Lögð fram skóladagatöl Grunnskóla Önundarfjarðar og Grunnskólans á Suðureyri fyrir skólaárið 2018-2019.
Fræðslunefnd gerir ekki athugasemdir við skóladagatölin.

3.Reglur um skólaakstur í grunnskólum - 2018020058

Kynnt drög að reglum um skólaakstur í grunnskólum Ísafjarðarbæjar
Fræðslunefnd leggur til að ný fræðslunefnd afgreiði málið.

4.Niðurstöður á högum og líðan barna í Ísafjarðarbæ 2018 - 2018050046

Lögð fram skýrsla um lýðheilsu ungs fólks í Ísafjarðarbæ, með niðurstöðum rannsóknar meðal nemenda í 8., 9. og 10. bekk árið 2018.
Fræðslunefnd þakkar skýrsluna og leggur til að málið sé skoðað frekar, starfsmönnum sviðsins er falið að vinna að málinu í samræmi við umræður á fundinum.

5.Skólapúlsinn, helstu niðurstöður 2017-2019 - 2017060041

Kynnt minnisblað Margrétar Halldórsdóttur, sviðsstjóra skóla- og tómstundasviðs dagsett 23. maí 2018, um niðurstöður skólapúlsins í grunnskólum, vor 2018.
Fræðslunefnd þakkar fyrir greinargóðar upplýsingar.

6.Endurskoðun á skólastefnu Ísafjarðarbæjar - 2016100048

Lögð fram drög vegna endurskoðunar á skólastefnu Ísafjarðarbæjar
Lagt fram til kynningar.

7.Skóladagatal 2018-2019 - 2018050060

Lögð fram skóladagatöl leikskólans Sólborgar, leikskólans Eyrarskjóls, leikskólans Grænagarðs á Flateyri og leikskólans Tjarnarbæjar á Suðureyri fyrir skólaárið 2018-2019.
Fræðslunefnd samþykkir skóladagatölin með þeim fyrirvara að sumarlokun á Sólborg og Eyrarskjóli verði 3 vikur eins og verið hefur og foreldrar velji viku fyrir og eftir lokun.

8.Reiknilíkan fyrir leikskóla Ísafjarðarbæjar - 2017120066

Lagt fram minnisblað frá Guðrúnu Birgisdóttur skóla- og sérkennslufulltrúa dagsett 22.maí 2018, er varðar endurskoðun barngilda á hvern kennara í leikskólum.
Fræðslunefnd þakkar fyrir upplýsingarnar og vísar málinu til nýrrar fræðslunefndar.

Fundi slitið - kl. 09:20.

Var efnið á síðunni hjálplegt?