Fræðslunefnd
Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir aðrar fundargerðir
Dagskrá
1.Verkefnalisti fræðslunefndar - 2014030064
Lagður fram verkefnalisti fræðslunefndar.
Gerð var grein fyrir þeim verkefnum sem liggja fyrir og eru í vinnslu.
2.Endurskoðun erindisbréfa - 2012110034
Lagt fram endurskoðað erindisbréf fyrir fræðslunefnd.
Fræðslunefnd samþykkir erindisbréfið með þeim breytingum sem ræddar voru á fundinum.
3.Stafræn smiðja (Fab Lab) - 2011100054
Lagður fram samningur um Fab Lab smiðju á Ísafirði.
Lagt fram til kynningar.
4.Fréttabréf grunnskóla 2014-2015 - 2014090072
Lögð fram fréttabréf Grunnskólans á Ísafirði og Grunnskóla Önundarfjarðar.
Fræðslunefnd þakkar fyrir greinargóð og skemmtileg fréttabréf.
5.Stillum saman strengi - 2014110015
Lagt fram vinnuskjal um aðgerðaráætlun skóla í Ísafjarðarbæ, sem ber heitið Stillum saman strengi og einnig lagt fram vinnuskjal um samantekt á námsárangri skólabarna í Ísafjarðarbæ.
Lagt fram til kynningar.
6.Afsláttur af leikskólagjaldi - 2014110003
Lagt fram minnisblað, dagsett 5. nóvember 2014, frá Sigurlínu Jónasdóttur, skóla- og sérkennslufulltrúa, þar sem rætt er um fyrirkomulag afsláttar af vistgjaldi í leikskóla. Eins og reglurnar eru núna fá einstæðir foreldrar og ef báðir foreldrar eru námsmenn 35% afslátt af vistgjaldi og upp hafa komið hugmyndir um að tekjutengja afsláttinn frekar og þannig eigi allir kost á að sækja um ef þeir falla undir fyrirfram ákveðin tekjuviðmið.
Fræðslunefnd telur ekki ráðlagt að gera breytingar á afslættinum.
7.Ósk um aukningu á stöðugildum á Grænagarði - 2014030062
Lagt fram bréf, dagsett 28. október 2014, frá Maríu Valberg, skólastjóra leikskólans Grænagarðs, þar sem hún óskar eftir að fá að auka stöðugildi við leikskólann um 12,5% þar sem börnum hefur fjölgað nokkuð í leikskólanum.
Fræðslunefnd leggur til við bæjarstjórn að erindið verði samþykkt.
Fundi slitið - kl. 10:00.
Er hægt að bæta efnið á síðunni?
Mættir áheyrnarfulltrúar fyrir leikskólamál: Helga Björk Jóhannsdóttir, fulltrúi leikskólastjóra, og Sif Huld Albertsdóttir, fulltrúi fore