Fræðslunefnd

428. fundur 26. maí 2021 kl. 08:10 - 09:41 í fundarherbergi 4. hæð í Stjórnsýsluhúsinu á Ísafirði
Nefndarmenn
  • Kristján Þór Kristjánsson varaformaður
  • Þóra Marý Arnórsdóttir varamaður
  • Nanný Arna Guðmundsdóttir aðalmaður
  • Magnús Einar Magnússon aðalmaður
  • Elísabet Samúelsdóttir formaður
Starfsmenn
  • Guðrún Birgisdóttir skóla- og sérkennslufulltrúi
  • Hafdís Gunnarsdóttir sviðsstjóri skóla- og tómstundasviðs
Fundargerð ritaði: Guðrún Birgisdóttir skóla- og sérkennslufulltrúi
Dagskrá

1.Verkefnalisti fræðslunefndar 2020-2021 - 2020090032

Farið yfir verkefnalista fræðslunefndar
Staða verkefna á verkefnalista fræðslunefndar kynnt.

2.Endurgjaldslausar tíðavörur í grunnskólum og félagsmiðstöðvum - 2021040028

Á 474. fundi bæjarstjórnar þann 15. apríl 2021 var fræðslunefnd, ásamt sviðsstjóra skóla- og tómstundasviðs, falið að útfæra tillögu um ókeypis tíðavörur í grunnskólum og félagsmiðstöðvum í Ísafjarðarbæ og leggja fyrir bæjarstjórn auk kostnaðaráætlunar.
Stefnt skal að því að strax haustið 2021 verði ókeypis tíðarvörur í boði í öllum grunnskólum og fræðslumiðstöðvum sveitarfélagsins.
Fræðslunefnd samþykkir tillögu sviðsstjóra um útfærslu á ókeypis tíðarvörum.

3.Skóladagatöl grunnskóla skólaárið 2021-2022 - 2021050067

Lagt fram skóladagatal Grunnskólans á Ísafirði fyrir skólaárið 2021-2022.
Fræðslunefnd gerir ekki athugasemdir við dagatalið.

4.Framkvæmdaáætlun 2022 til 2032 - 2021040094

Kynnt er framkvæmdaáætlun Ísafjarðarbæjar 2022-2032 jafnframt er óskað eftir tillögum frá fræðslunefnd um verkefni og markmið í fræðslumálum á vegum sveitarfélagsins.
Fræðslunefnd felur starfsmönnum skólasviðs að kalla eftir tillögum frá forstöðumönnum.

5.Skólar á grænni grein - 2021050068

Lagt fram bréf til fræðslunefndar frá Katrínu Magnúsdóttur verkefnastjóra Skólar á grænni grein/Grænfáninn, dagsett 5. maí 2021, þar sem hún vekur athygli á verkefninu Skólar á grænni grein (Grænfánaverkefnið) sem rekið er af Landvernd hér á landi og um 200 skólar á öllum skólastigum taka þátt í.
Lagt fram til kynningar.

6.Áskorun til sveitarfélaga um skýr markmið varðandi framboð grænkerafæðis í skólum. - 2021010026

Lagt fram opið bréf til sveitafélaga frá Björk Gunnarsdóttur f.h. Samtaka grænkera á Íslandi, dagsett 11. maí 2021, þar sem m.a. er kallað eftir því að frá og með hausti 2021 verði hægt að velja um grænkerarétti fyrir þau börn sem það kjósa í öllum leik- og grunnskólum landsins.
Sviðsstjóra falið að kalla eftir upplýsingum frá leik- og grunnskólum um eftirspurn eftir grænkerafæði.

7.Erindi frá leik- og grunnskólastjórum á Þingeyri og Flateyri - 2021040074

Frestað til næsta fundar.

8.Skóladagatöl leikskóla skólaárið 2021-2022 - 2021040011

Lögð fram skóladagatöl fyrir leikskólana Eyrarskjól Ísafirði og Sólborg Ísafirði, fyrir skólaárið 2021-2022
Fræðslunefnd gerir ekki athugasemdir við dagatölin.

9.Ósk um aukningu á stöðugildum við leikskólann Sólborg og Tanga. - 2021010112

Kynnt minnisblað Guðrúnar Birgisdóttur skóla- og sérkennslufulltrúa er varðar sérkennslumál í leikskólunum Sólborg og Eyrarskjóli.
Minnisblað lagt fram til kynningar og sviðsstjóra falið að vinna áfram með málið.

Fundi slitið - kl. 09:41.

Er hægt að bæta efnið á síðunni?