Fræðslunefnd

426. fundur 15. apríl 2021 kl. 08:10 - 09:02 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Steinunn Guðný Einarsdóttir varamaður
  • Kristján Þór Kristjánsson varaformaður
  • Jónas Þór Birgisson aðalmaður
  • Nanný Arna Guðmundsdóttir aðalmaður
  • Magnús Einar Magnússon aðalmaður
Starfsmenn
  • Guðrún Birgisdóttir skóla- og sérkennslufulltrúi
Fundargerð ritaði: Guðrún Birgisdóttir skóla- og sérkennslufulltrúi
Dagskrá

1.Verkefnalisti fræðslunefndar 2020-2021 - 2020090032

Kynnt staðan á verkefnalista fræðslunefndar.
Lagt fram til kynningar.

2.Starfsáætlanir og skýrslur grunnskóla Ísafjarðarbæjar starfsárið 2020-2021 - 2020110059

Lögð fram starfsáætlun grunnskólans á Þingeyri fyrir skólaárið 2020-2021.
Lagt fram til kynningar

3.Reglur um endurgreiðslu kostnaðar vegna slysa og tjóna er börn verða fyrir í skipulögðu starfi á vegum Ísafjarðarbæjar - 2021030116

Lagðar fram til samþykktar reglur um endurgreiðslu kostnaðar vegna slysa og tjóna er börn verða fyrir í skipulögðu starfi á vegum Ísafjarðarbæjar, auk minnisblaðs Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 29. mars 2021, vegna málsins.

Á 1148. fundi bæjarráðs, þann 12. apríl 2021, vísaði bæjarráð málinu til umsagnar nefndarinnar.
Fræðslunefnd gerir ekki athugasemdir við reglurnar og leggur til að reglurnar verði samþykktar.

4.Innlend matvæli í skólamáltíðir - áskorun til sveitarfélaga - 2021030070

Á 1146. fundi bæjarráðs, þann 22. mars 2021, var lagt fram til kynningar bréf Vigdísar Häsler, framkvæmdastjóra Bændasamtaka Íslands, dags. 16. mars 2021, með áskorun til sveitarfélaga um að nota innlend matvæli í skólamáltíðir.

Bæjarráð vísaði málinu til fræðslunefndar.
Fræðslunefnd tekur vel í ábendinguna og þakkar fyrir bréfið.

5.Ósk um fá viðbótartíma í sérkennslu fyrir Grunnskólann á Suðureyri - 2021040020

Kynnt beiðni frá Jónu Benediktsdóttur skólastjóra grunnskólans á Suðureyri, dagsett 8. apríl 2021, er varðar ósk um að fá tíu viðbótartíma í sérkennslu fyrir Grunnskólann á Suðureyri.
Fræðslunefnd felur starfsmönnum skóla- og tómstundasviðs að vinna áfram með málið.

6.Skóladagatal Tónlistaskóla Ísafjarðar fyrir skólaárið 2021-2022 - 2021040021

Lagt fram skóladagatal Tónlistarskóla Ísafjarðar fyrir skólaárið 2021-2022.
Lagt fram til kynningar.

Fundi slitið - kl. 09:02.

Er hægt að bæta efnið á síðunni?