Fjallskilanefnd

9. fundur 29. mars 2017 kl. 13:15 - 14:00 í fundarherbergi 4. hæð í Stjórnsýsluhúsinu á Ísafirði
Nefndarmenn
  • Ásvaldur Magnússon formaður
  • Ómar Dýri Sigurðsson aðalmaður
  • Svala Sigríður Jónsdóttir aðalmaður
Starfsmenn
  • Brynjar Þór Jónasson sviðsstjóri umhverfis- og eignasviðs
Fundargerð ritaði: Brynjar Þór Jónasson sviðsstjóri umhverfis- og eignasviðs
Dagskrá

1.Útigangsfé í Arnarfirði - 2017030100

Formaður fjallskilanefndar leggur fram tölvupóst, dags. 28. mars 2017, frá Matvælastofnun varðandi útigangsfé í Arnarfirði.
Fjallskilanefnd felur sviðsstjóra umhverfis- og eignasviðs Ísafjarðarbæjar að senda hlutaðeigandi gangna- og réttarstjóra svæðisins frá Hjallkárseyri að varnargarði á Mjólkárhlíð, Steinari R. Jónassyni, erindi þess efnis að sést hafi fé á hans leitarsvæði.

2.Fjallskil 2017 - 2017030104

Formaður fjalskilanefndar kynnir fyrirhugaðan fund formanna fjallskilanefnda í fjallskilastjórn.
Fjallskilanefnd Ísafjarðarbæjar felur formanni nefndarinnar að boða til fundarins og vera fulltrúi Ísafjarðarbæjar á fundinum.

3.Fjallskilasamþykkt, skilgreining á einstaka greinum. - 2017030105

Umræða um einstaka greinar fjallskilasamþykktar fyrir Barðastrandar- og Ísafjarðarsýslur.
Fjallskilanefn Ísafjarðarbæjar felur sviðsstjóra umhverfis- og eignasviðs Ísafjarðarbæjar að fá álit bæjarlögmanns á 11. gr. og 12. gr. fjallskilasamþykktar fyrir Barðastrandar- og Ísafjarðarsýslur.

Fundi slitið - kl. 14:00.

Er hægt að bæta efnið á síðunni?