Umhverfis- og framkvæmdanefnd - 35. fundur - 11. október 2016

1.  

Fjárhagsáætlun 2017 - 2016020047

Gjaldskrár lagðar fram.

Umhverfisnefnd leggur til að sorpgjöld verði hækkuð, vegna kostnaðar við sorpförgun, þannig að málaflokkurinn verði ekki rekinn með eins miklum halla, nefndin leggur til að gjöld á sorphirðun og förgun í þéttbýli hækki úr kr. 40.558 í kr. 46.642 á ári, gjöld á sorpförgun í dreifbýli hækki úr kr. 27.554 í kr. 31.687 á ári og gjöld á sumarbústaði og íbúðarhúsnæði með takmarkaða íveru vegna snjóflóðahættu hækki úr kr. 13.653 í kr.15.700 á ári. Umhverfisnefnd leggur til að aðrar gjaldskrár hækki í samræmi við verðlagsþróun.

2.  

Númeralausar bifreiðar 2016-2017 - 2016020029

Lagt fram drög af gjaldskrá fyrir meðhöndlun á númeralausum bílum.

Umhverfisnefnd styður gjaldskrá vegna númeralausra bifreiða og bendir á mikilvægi þess að gjald vegna flutnings á ökutækjum í geymsluport verði raunkostnaður.

3.  

Framkvæmdaráætlun fyrir Dynjanda til ársins 2020 - 2016100008

Lagt fram framkvæmdaráætlun fyrir Dynjanda til ársins 2020 sent frá Umhverfisstofnun dags. 5.10.2016.

Lagt fram til kynningar.

4.  

Þingeyri, könnun og hönnun sumarið 2016, ítalir - 2016090041

Lagt fram til kynningar "Þingeyri Project- An integrated bottom-up project proposal to make Þingeyri relevant in the future" skýrslu frá ítölskum landslagsarkitektum Plan D; M. Francesca Adamo, Marco Cibrario, Elisa Sarasso, Andrea G. Stralla

Umhverfisnefnd fagnar verkefninu og leggur til að skýrslan verði kynnt íbúasamtökum Þingeyrar.

5.  

Fráveitu og rotþrær - 2016040069

Lagt fram samþykkt um fráveitu.

Lagt fram til kynningar.