Umhverfis- og framkvæmdanefnd - 28. fundur - 24. maí 2016

1.  

Samband íslenskra sveitarfélaga, ýmis erindi og fundargerðir 2016 - 2016020019

Bæjarráð vísaði bréfi Guðjóns Bragasonar, sviðsstjóra lögfræði- og velferðarsviðs Sambands íslenskra sveitarfélaga, dags. 31. mars sl., varðandi fyrirkomulag heilbrigðiseftirlits sveitarfélaga, til umsagnar í umhverfis- og framkvæmdanefnd.

Umhverfis- og framkvæmdanefnd tekur undir niðurlag bréfsins og leggur áherslu á að reglur um heilbrigðiseftirlit verði endurskoðaðar með það að markmiði að auka skilvirkni.

2.  

þjónustuhús við Dynjanda í Arnarfirði - 2016050048

Lagt fram bréf dags. 14. maí frá Þórhalli Arasyni og Katli Berg Magnússyni vegna þjónustuhúss við Dynjanda í Arnarfirði.

Nefndin fagnar frumkvæði bréfritara en ítrekar að umsagnar- og leyfisveitingarvald liggur annars staðar.

3.  

Samþykkt um búfjárhald - 2016010004

Lögð fram athugasemd frá Félagi sauðfjárbænda á Vestfjörðum við 7. grein draga að samþykkt Ísafjarðarbæjar um búfjárhald.

Nefndin þakkar innsenda athugasemd en sér ekki þörf á því að binda ákvæði um hámarksfjölda sauðfjár í samþykktina.

4.  

Græn vika 2016 - 2016040060

Græn vika í Ísafjarðarbæ.

Rætt um Græna viku, umhverfisátak sem nú stendur yfir í Ísafjarðarbæ; gáma undir garðaúrgang, götusóp, hreinsunarátök hverfisráða, stofnana og fyrirtækja o.fl.