Umhverfis- og framkvæmdanefnd - 18. fundur - 15. september 2015

1.  

Ágengar plöntur 2016 - 2015080042

Lögð fram samþykkt um búfjarðarhald í Ísafjarðarbæ frá 20.des 2001 og upplýsingar um samvinnu við íbúa um heftingu útbreiðslu á lúpínu.

Nefndin felur umhverfisfulltrúa og garðyrkjufulltrúa að móta hugmyndir til upprætingu ágengra plantna og leggja fyrir nefndina.

Gestir

Matthildur Ásta Hauksdóttir - 08:00

Matthildur Ásta Hauksdóttir yfirgaf fundinn klukkan 08.55.

2.  

Jarðskriðahætta og lúpína - 2015080083

Lagður fram tölvupóstur frá Kristínu Mörtu Hákonardóttur dags. 10.09.2015 um samhengi gróðurs og flóðahættu. Umhverfisfulltrúi óskar eftir heimild til rannsókna á hættu á jarðskriðum eða snjóflóðum vegna lúpínugróinna svæða fyrir ofan byggðarkjarna.

Umhverfisfulltrúa falið að hafa samband við sérfræðinga hjá Veðurstofu Íslands og fleirum og afla frekari gagna um mögulega skriðuhættu á lúpínusvæðum.

3.  

Tjaldsvæði í Ísafjarðarbæ 2016 - 2015080043

Lagðar fram sundurliðaðar kostnaðartölur og fjöldi gistinátta eftir tjaldsvæðum.

Nefndin ætlar að taka rekstrarform tjaldsvæða í sveitarfélaginu til endurskoðunar, og þá sérstaklega rekstur tjaldsvæðisins við Dynjanda.

4.  

Svæðisáætlun Sorpmála 2015 - 2015090028

Lagt fram erindi frá Lúðvík E. Gústafssyni um svæðisáætlun og samþykktir sem stjórntæki í úrgangsmeðhöndlun. Samkvæmt lögum nr. 55/2003 og reglugerð nr. 737/2003 um meðhöndlun úrgangs, ásamt landsáætlun um meðhöndlun úrgangs, eiga sveitastjórnir að semja og staðfesta svæðisáætlun um meðhöndlun úrgangs sem byggist á markmiðum landsáætlunar.

Lagt fram til kynningar.

5.  

Gjald á einstaklinga vegna sorpförgunar í móttökustöð Funa - 2015080054

Bæjarráð vísar tillögu Marzellíusar Sveinbjörnssonar, bæjarfulltrúa B-listans, um að fallið verði frá gjaldtöku á einstaklinga í mótttökustöðinni í Engidal, til umsagnar umhverfis- og framkvæmdanefndar.

Nefndin tekur ekki vel í tillögurnar þar sem hún vill ekki hækka sorpgjöld á íbúa, en telur rétt að skoða betur meðferð óvirks úrgangs í samvinnu við verktaka.

Umsögnin óskast send fyrir 28. Ágúst 2015.

6.  

Kalkþörunganám í Ísafjarðardjúpi - umsagnarbeiðni - 2015080041

Lagt er fram bréf Vals Klemenssonar, f.h. Skipulagsstofnunar, dags. 11. ágúst sl., þar sem óskað er eftir umsögn Ísafjarðarbæjar um kalkþörunganám í Ísafjarðardjúpi. Bæjarráð vísar erindinu til umsagnar umhverfis- og framkvæmdanefndar og skipulags- og mannvirkjanefndar.

Lagt fram til kynningar.

7.  

Gjaldskrár 2016 - 2015030048

Lögð fram drög að gjaldskrám vatnsveitu, holræsa, kattahalds, hundahalds, búfjáreftirlits, tjaldsvæða, áhaldahúss og sorpmála.

Erindinu frestað til næsta fundar.