Umhverfis- og framkvæmdanefnd - 17. fundur - 20. ágúst 2015

Dagskrá:

1.  

Fundargerðir heilbrigðisnefndar og ýmis erindi 2015 - 2015020104

 

Bæjarráð vísar erindi Antons Helgasonar, heilbrigðisfulltrúa, f.h. Heilbrigðiseftirlits Vestfjarða, dags. 30. apríl sl., móttekið 18. júní sl., til umhverfis- og framkvæmdanefndar, þar sem tilkynnt er um bílaálímingar og hvernig vörslu bifreiða skuli háttað eftir að þær eru teknar í vörslu.

 

Umhverfisfulltrúa falið að finna hentugan stað og þann kostnað sem fellur til við að gera fullnægjandi aðstöðu fyrir bifreiðar sem sveitarfélagið tekur í vörslu.

 

   

2.  

Tjaldsvæði í Ísafjarðarbæ 2016 - 2015080043

 

Framtíðarsýn og stefna Ísafjarðarbæjar í rekstri tjaldsvæða. Lagt fram yfirlit yfir útgjöld og rekstrarkostnað sl. 3 ár.

 

Umhverfisfulltrúa falið að koma með sundurliðaðar kostnaðartölur eftir tjaldsvæðum og að kanna notkun gesta sem ekki greiða fyrir þjónustu á tjaldsvæðunum.

 

   

3.  

Ágengar plöntur 2016 - 2015080042

 

Lagðar fram upplýsingar um ágengar plöntutegundir í sveitafélaginu og áætlaðan kostnað við að hindra útbreiðslu þeirra.

 

Umhverfisfulltrúa falið að kanna reglur um búfjárhald í Ísafjarðarbæ, skoða frekari útfærslur á beitartilraun og samvinnu við íbúa um heftingu útbreiðslu á lúpínu. Nefndin styður ekki tillögu um notkun eiturefna á ágengar plöntur.

 

   

4.  

Forgangsröðun opinna svæða - 2015080048

 

Umræða um forgangsröðun opinna svæða. Lögð fram drög að grænu bók Ísafjarðarbæjar og uppdráttum að forgangsröðun.

 

Umhverfisfulltrúa falið að undirbúa kynningu á umhirðu og slætti opinna svæða.

 

   

 

5. Önnur mál:

Nefndin felur tæknideild Ísafjarðarbæjar að kanna útfærslur Akureyrarbæjar við móttöku á óvirkum úrgangi.

 

Fleira ekki gert. Fundi slitið kl. 10:00

  

Nanný Arna Guðmundsdóttir

 

Lína Björg Tryggvadóttir

Jóna Símonía Bjarnadóttir

 

Gísli Halldór Halldórsson

Helga Dóra Kristjánsdóttir

 

Ralf Trylla

Brynjar Þór Jónasson

 

 

Var efnið á síðunni hjálplegt?