Skipulags- og mannvirkjanefnd - 462. fundur - 21. september 2016

Dagskrá:

1.  

Iceland Profishing - Umsókn um stöðuleyfi - 2016090047

 

Róbert Schmidt sækir um stöðuleyfi fyrir 6 báta f.h. Iceland Profishing. Áætlað er að bátarnir verði í uppsátri milli Höfðastígshúsa við lónið Suðureyri. Áætlaður tími mun vera frá 15.september fram að vori.

 

Skipulags- og mannvirkjanefnd tekur jákvætt í erindið en bendir á að það þurfi að berast formleg umsókn um stöðuleyfi.

 

   

2.  

Verkís - Umsókn um Stöðuleyfi - 2016090049

 

Verkís hf., f.h. Landsnets, óskar eftir stöðuleyfi fyrir spennistöð og stjórnkerfishús við Mjólká í Ísafjarðarbæ í skv. umsókn dags. 01.09.2016 og í samræmi við teikningar C01.1.001, C01.5.001 og C01.5.002 dags. 09.01.2016. og 26.01.2016.

 

Skipulags- og mannvirkjanefnd samþykkir að veita stöðuleyfi til eins árs, fyrir spennistöð og stjórnkerfishús við Mjólká, í Ísafjarðarbæ skv. umsókn dags. 01.09.2016. og í samræmi við meðfylgjandi uppdrætti.

 

   

3.  

Malarnám - Kubbur ehf. sækir um leyfi til efnistöku - 2016090050

 

Sigríður Laufey Sigurðardóttir, f.h. Kubbs ehf., sækir um leyfi til efnistöku í botni Skutulsfjarðar skv. umsókn dags. 16.ágúst og loftmynd sem sýnir efnistökustað.

 

Skipulags- og mannvirkjanefnd hafnar erindinu þar sem umbeðinn efnistökustaður er á náttúruminjaskrá og jafnframt hverfisverndaður í Aðalskipulagi Ísafjarðarbæjar 2008-2020.

 

   

4.  

Mávagarður A - Umsókn um lóð - 2016090054

 

Guðlaug Aðalrós f.h. Vestfirskra Verktaka ehf. sækir um lóð við Mávagarð A nr.233-6519, skv. umsókn dags. 14.09.2016

 

Skipulags- og mannvirkjanefnd leggur til við bæjarstjórn að Vestfirskir verktakar ehf. fái lóð A við Mávagarð, Ísafirði með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

 

   

5.  

Mávagarður E - Umsókn um lóð - 2016090053

 

Guðlaug Aðalrós f.h. Vestfirskra Verktaka ehf. sækir um lóð við Mávagarð E nr.233-6523, skv. umsókn dags. 14.09.2016.

 

Skipulags- og mannvirkjanefnd frestar erindinu.

 

   

6.  

Fyrirspurn - Spurt er hvort heimilt sé að reisa sumarhús. - 2016090055

 

Jóhanna Gunnarsdóttir og Skúli Elíasson eru með fyrirspurn um hvort heimilt sé að reisa 25 fermetra sumarhús við Fornasel í Keldudal, Dýrafirði landnr. 213525

 

Skipulags- og mannvirkjanefnd tekur jákvætt í erindið en bendir á að kanna þurfi hvort þörf sé á hættumati vegna ofanflóða, ásamt áliti Minjastofnunar um fornminjar í landi Fornabóls. Jafnframt þarf að leita umsagnar Umhverfisstofnunar þar sem umrætt land er á náttúruminjaskrá.

 

   

7.  

Smárateigur 2 - Umsókn um lóð - 2016090056

 

Hlöðver Pálsson sækir um lóð við Smárateig 2 til að sameina við lóð að Smárateig 4 skv. ódagsettri umsókn. Um er að ræða stækkun lóðar við Smárateig 4.

 

Skipulags- og mannvirkjanefnd leggur til við bæjarstjórn að samþykkja úthlutun með fyrirvara um samþykki frá Umhverfis- og auðlindaráðuneyti.

 

   

 

Fleira ekki gert. Fundi slitið kl. 10:00

 

 

Sigurður Jón Hreinsson

 

Magni Hreinn Jónsson

Lína Björg Tryggvadóttir

 

Ásgerður Þorleifsdóttir

Brynjar Þór Jónasson

 

Axel Rodriguez Överby

Var efnið á síðunni hjálplegt?