Skipulags- og mannvirkjanefnd - 453. fundur - 30. mars 2016

 Dagskrá:

1.  

Smárateigur 4 - umsókn um byggingarleyfi - 2015110064

 

Hlöðver Pálsson sækir um leyfi til að breyta notkun á sumarhúsi í garðplöntustöð og byggja 75 fm gróðurskála við núverandi hús, skv. uppdráttum frá Tækniþjónustu Vestfjarða dags. 20.11. 2015. Húsið er á snjóflóðahættusvæði í flokki C. Ekkert deiliskipulag er í gildi fyrir svæðið. Byggingarfulltrúi vísar umsókn til afgreiðslu skipulags- og mannvirkjanefndar sem samþykkti að grenndarkynna umsóknina. Umsóknin var grenndarkynnt og bárust tvær athugasemdir.

 

Skipulags- og mannvirkjanefnd leggur til við bæjarstjórn að samþykkja umsókn vegna Smárateigs 4 og leyfa breytta notkun úr sumarhúsi í garðplöntustöð. Nefndin felur skipulags- og byggingarfulltrúa að svara framkomnum athugasemdum úr grenndarkynningu.

 

   

2.  

Hlíðarvegur 6- umsókn um byggingarleyfi - 2016020084

 

Elfar Reynisson sækir um leyfi til þess að byggja verönd á suð- austurhlið Hlíðarvegar 6. Einnig að setja opnanlegt fag á svefnherbergisglugga og breyta stofuglugga í glugga með svalahurð.
Ekkert deiliskipulag er í gildi fyrir svæðið og vísar byggingarfulltrúi umsókninni til skipulags- og mannvirkjanefndar.

 

Skipulags- og mannvirkjanefnd felur skipulags- og byggingarfulltrúa að grenndarkynna byggingaráformin fyrir eigendum fasteignanna Hlíðarvegi 4 og 8 og Túngötu 3 og 5.

 

   

3.  

Sæborg í Aðalvík - stofnun þriggja lóða - 2016010020

 

Eigendur Sæborgar í Aðalvík sækja um leyfi til að stofna þrjár nýjar lóðir skv. uppdráttum frá teiknistofunni Eik, dags. 17.12.2015.

 

Skipulags- og mannvirkjanefnd leggur til við bæjarstjórn að lóðir 1, 2 og 3 verði stofnaðar samkvæmt uppdrætti. Nefndin bendir á að til að reisa nýtt hús á landi Sæborgar, Sæbóls og Garða þurfi að liggja fyrir samþykki allra eigenda jarðanna.

 

   

4.  

Kirkjuból í Bjarnadal - Umsókn um framkvæmdaleyfi - 2016030068

 

Guðmundur V. Magnússon sækir um leyfi fyrir heimarafstöð í landi Kirkjubóls, allt að 15kW af uppsettu afli.

 

Skipulags- og mannvirkjanefnd leggur til við bæjarstjórn að gefið verði út framkvæmdaleyfi fyrir 15kW heimarafstöð í landi Kirkjubóls í Bjarnadal enda sé það í samræmi við ákvæði Aðalskipulags um heimarafstöðvar.

 

   

5.  

Afgreiðslufundir byggingarfulltrúa - 11 - 1603016F

 

Fundargerð 11. afgreiðslufundar byggingarfulltrúa sem haldinn var 16. mars sl., fundargerðin er í 2. liðum.

 

Lagt fram til kynningar.

 

   

 

Fleira ekki gert. Fundi slitið kl. 09:25

 

 

Sigurður Jón Hreinsson

 

Lína Björg Tryggvadóttir

Ásgerður Þorleifsdóttir

 

Jón Kristinn Helgason

Brynjar Þór Jónasson

 

 

Var efnið á síðunni hjálplegt?