Skipulags- og mannvirkjanefnd - 434. fundur - 20. maí 2015

Dagskrá:

1.  

Leyfi til leitar og borunar eftir vatni fremst í Botnsdal - 2014030045

 

Dalsorka ehf sækir um framkvæmdaleyfi til að bora eftir heitu vatni í Botni í Súgandafirði.
Umsögn Umhverfisstofnunar dags. 05.05.2015 lögð fram.

 

Skipulags- og mannvirkjanefnd leggur til við bæjarstjórn að veitt verði leyfi fyrir borun á umræddum prufuholum með þeim skilyrðum sem fram koma í umsögnum um málið.

 

   

2.  

Neðri Tunga 1 - umsókn um stofnun fasteigna í fasteignaskrá - 2015030089

 

Ragnheiður Hákonardóttir sækir um leyfi til að skipta lóðinni Neðri Tunga 1 í þrjá sérafnotahluti.
Lagt fram bréf Ragnheiðar Hákonardóttur eiganda Neðri Tungu 1 dags. 20 apríl 2015.

 

Skipulags- og mannvirkjanefnd leggur til við bæjarstjórn að samþykkt verði að lóðinni verði skipt í þrjá sérafnotahluti.

 

   

3.  

Snjóflóðavarnir undir Kubba, framkvæmdaleyfi. - 2010120048

 

Erindi frá Gauta Geirssyni dags. 24.03.2015 þar sem lagt er til að Ísafjarðarbær í samstarfi við Ofanflóðasjóð endurskoði varnir í Kubba frá grunni með tilliti til greinargerðar sem fylgir erindinu.
Lagt fram minnisblað Verkís dags. 04.06.2014 um hönnun þvergarðs og uppsetningu stoðvirkja - endurskoðun.

 

Skipulags- og mannvirkjanefnd óskar eftir að Verkís endurskoði framlögð gögn með tilliti til þess hvort hægt verði að koma fyrir lausn sem hafi minni umhverfisáhrif og viðhald.

 

   

4.  

Skrúður á Núpi í Dýrafirði - breyting á deiliskipulagi - 2014110004

 

Framkvæmdasjóður Skrúðs sækir um óverulega breytingu á deiliskipulagi fyrir Skrúð á Núpi í Dýrafirði.
Lögð fram greinargerð ásamt uppdrætti af fyrirhuguðu þjónustuhúsi frá Kol & salt ehf. dags. 06.05.2015.

 

Skipulags- og mannvirkjanefnd telur að um sé að ræða verulega breytingu á deiliskipulagi og leggur til við bæjarstjórn að deiliskipulagstillagan verði auglýst skv. 1. mgr. 43. gr. skipulagslaga.

 

   

5.  

Móar, Hesteyri - endurbygging - 2014120061

 

Marðareyri sf sækir um leyfi til að endurbyggja húsið að Móum á Hesteyri skv. uppdráttum frá Verkís dags. 01.04.2015 .
Lagt fram afrit af bréfi Umhverfisstofnunar, til umsækjanda, bréf dags. 6. mars 2015 þar sem veitt er leyfi til endurbyggingarinnar.

 

Skipulags- og mannvirkjanefnd samþykkir að veita leyfi fyrir endurbyggingunni.

 

   

6.  

Hafraholt 48 - Umsókn um byggingarleyfi - 2015040044

 

Einar Valur Kristjánsson spyr hvort heimilað yrði að lengja bílgeymslu um 5 m skv. meðfylgjandi uppdrætti.

 

Skipulags- og mannvirkjanefnd tekur jákvætt í erindið og samþykkir að grenndarkynna byggingarleyfisumsókn lóðarhöfum Hafraholts 42, 40 og 46.

 

   

7.  

Brekkugata 54, Þingeyri - fyrirpurn um byggingarleyfi - 2015040043

 

Viðar Magnússon spyr hvort heimilað yrði að gera tvær íbúðir á neðri hæð í einbýlishúsinu að Brekkugötu 54 á Þingeyri skv. meðfylgjandi teikningum.

 

Skipulags- og mannvirkjanefnd tekur jákvætt í erindið og og samþykkir að grenndarkynna byggingarleyfisumsókn lóðarhöfum Brekkugötu 52 og 56.

 

   

8.  

Hlíðarvegur 34, Ísafirði - Umsókn um stækkun lóðar - 2015040042

 

Jón Rafn Oddsson sækir um stækkun lóðar skv. meðfylgjandi uppdrætti.

 

Skipulags- og mannvirkjanefnd felur byggingarfulltrúa að gera nýtt lóðablað af stækkaðri lóð, skv. uppdrætti, til afgreiðslu í bæjarstjórn.

 

   

9.  

Aðalgata, Suðureyri, akstursstefna - 2014090031

 

Erindi bæjarráðs frá 855. fundi um að skipulags- og mannvirkjanefnd skoði kosti þess og galla að breyta Aðalgötu á Suðureyri í tvístefnugötu.
Lagt fram minnisblað sviðsstjóra umhverfis- og eignasviðs dags.29. apríl 2015 ásamt uppdrætti af tillögu um aksturstefnu.

 

Skipulags- og mannvirkjanefnd tekur jákvætt i tillöguna. Nefndin óskar eftir umsögn hverfisráðs Súgandafjarðar.

 

   

10.  

Rekstrarleyfi til laxeldis í Arnarfirði - 2011020012

 

Erindi frá Skipulagsstofnun dags. 10. apríl 2015, móttekið 21. apríl 2015, þar sem óskað er eftir umsögn Ísafjarðarbæjar um frummatsskýrslu um mat á umhverfisáhrifum 7.000 tonna aukaframleiðslu Arnarlax ehf. á laxi í Arnarfirði.

 

Skipulags- og mannvirkjanefnd Ísafjarðarbæjar telur afleitt að enga stefnumörkun stjórnvalda er að finna um sjókvíaeldi á Vestfjörðum, fremur en annars staðar. Sérstaklega er þetta slæmt í ljósi þess að sveitarfélögin hafa ekki skipulagsvald yfir aðliggjandi strandsvæðum, fjörðum og flóum.
Að frumkvæði sveitarfélaga á Vestfjörðum og Fjórðungssambands var unnin nýtingaráætlun fyrir Arnarfjörð. Í þessu tilfelli er það til mikilla bóta, en að sama skapi mikilvægt að embættismenn sem staðsettir eru í fjarlægum landshlutum, taki full tillit til þeirrar áætlunar við úthlutun á leyfum til fiskeldis.
Skipulags- og mannvirkjanefnd vill því ítreka þá skoðun sína að æskilegt er að sveitarfélög ráði skipulagi strandsjávar út að 1 sjómílu frá grunnlínu.

 

   

 

Fleira ekki gert. Fundi slitið kl. 10:30

 

Sigurður Jón Hreinsson

 

Erla Rún Sigurjónsdóttir

Magni Hreinn Jónsson

 

Sigurður Mar Óskarsson

Inga Steinunn Ólafsdóttir

 

Ralf Trylla

Ólöf Guðný Valdimarsdóttir

 

Brynjar Þór Jónasson

Var efnið á síðunni hjálplegt?