Skipulags- og mannvirkjanefnd - 410. fundur - 26. mars 2014

Dagskrá:

1.

2014030056 - Verkefnalisti umhverfisnefndar

 

Lagður fram verkefnalisti umhverfisnefndar.

 

Lagt fram til kynningar.

 

   

2.

2012090004 - Leyfissvæði og rannsóknarleyfi fyrir Íslenska kalkþörungafélagið í Arnarfirði.

 

Lagt fram bréf. dags. 13. mars sl. frá Orkustofnun þar sem óskað er umsagnar á umsókn, Íslenska Kalkþörungafélagsins ehf., um viðbætur og framlengingu á leyfi til leitar og rannsókna á kalkþörungaseti á hafsbotni.

 

Umhverfisnefnd áréttar að hún telur mikilvægt að Ísafjarðarbær öðlist skipulagsvald yfir strandsvæðum sínum út að einni sjómílu frá grunnlínupunktum en gerir ekki athugasemdir við fyrrgreinda rannskóknastarfsemi enda hafi hún ekki áhrif á framtíðarstarfsemi svæðissins.

 

   

3.

2010080057 - Stefnumótun í atvinnumálum Ísafjarðarbæjar.

 

Á fundi í atvinnumálanefnd 12. mars sl. var tekin fyrir Atvinnumálastefna Ísafjarðarbæjar.
Atvinnumálanefnd beinir því til annarra nefnda Ísafjarðarbæjar að fara yfir atvinnumálastefnu Ísafjarðarbæjar og gera áætlanir um hvernig þeir ætli að framfylgja henni og þeim ábyrgðarverkefnum sem þeim eru falin.
Atvinnumálanefnd óskar eftir lista frá umhverfis- og eignasviði yfir húsnæði, jafnt íbúðarhúsnæði sem atvinnuhúsnæði, í eigu Ísafjarðarbær annars vegar og hins vegar yfir laust húsnæði í eigu Ísafjarðarbæjar.
Á ábyrgð umhverfisnefndar verði eftirfarandi atriði:
Teknar verði saman upplýsingar um lausar atvinnu- og iðnaðarlóðir. Þær lóðir kynntar sérstaklega og upplýsingar um þær gerðar aðgengilegar á heimasíðu Ísafjarðarbæjar.
Í tengslum við skipulagsmál verði starfshættir og vinnuferlar skoðaðir svo að hægt sé að tryggja gegnsæja og skilvirka þjónustu gagnvart umsækjendum.
Opin svæði verði snyrtileg, sem bæti ásýnd og ímynd bæjarins.
Rekstur tjaldsvæða verði skoðaður með tilliti til einkaframkvæmda og útboðs á rekstri. Í þessu samhengi þarf að tryggja að gæði þeirrar tjaldsvæðaþjónustu standist kröfur ferðamanna.
Viðhald á eignum sveitarfélagsins verði í stöðugu ferli svo að ekki komi til kostnaðarsams viðhalds og endurbóta sökum vanrækslu.
Úrgangsmál fyrirtækja sem snúa að sorpi og frárennsli þurfa að vera í þeim farvegi að það styðji við sjálfbæra ímynd kjarnaatvinnugreina svæðisins."

 

Umhverfisnefnd felur tæknideild að leggja fram minnisblað, vegna atvinnumálastefnunnar, á næsta fundi umhverfisnefndar.

 

   

4.

2014030045 - Leyfi til leitar og borunar eftir vatni fremst í Botnsdal

 

Lagt fram erindi dags. 17. mars sl. frá Birki Fiðbertssyni fh. Dalsorku ehf. þar sem óskað er eftir leyfi til leitar og borunar eftir vatni fremst í Botnsdal og að vatnaskilum.

 

Umhverfisnefnd óskar eftir yfirlitsmynd af svæðinu þar sem fram koma fyrirhugaðar tilraunaholur og vegslóðar.

 

   

5.

2014030018 - Holt í Arnardal - skipting jarðar í tvo eignarhluta

 

Lagt fram til kynningar erindi Guðjóns Eiríkssonar og Eyvindar P. Eiríkssonar vegna skipta á jörðinni Holt í Arnardal.

 

Lagt fram til kynningar.


Magnús Reynir Guðmundsson vék að fundi.

 

                                     

6.

2014020113 - Þriggja ára áætlun og fimm ára áætlanir

                                 
 

Lögð fram fimm ára framkvæmdaáætlun fyrir Ísafjarðarbæ.

                                 
 

Umhverfisnefnd fór yfir framkvæmdaáætlunina og felur tæknideild að vinna áfram að málinu.

                                 

 

                                     

7.

2012030090 - Grunnskólinn á Ísafirði 2012-2013.

                                 
 

Lögð fram tillaga að deiliskipulagsbreytingu fyrir Austurveg. Tillagan er unnin af Teiknistofunni Eik dags. í september 2013.

                                 
 

Umhverfisnefnd leggur til við bæjarstjórn að deiliskipulagstillagan verði auglýst með þeim breytingum sem ræddar voru á fundinum.

                                 

 

                                     
8. Önnur mál.

a) Rætt var um fjölgun ruslastampa á göngustíg við Skutulsfjarðarbraut og mokstur milli áhaldahúss og Orkubús Vestfjarða.

 

 

Fleira ekki gert. Fundi slitið kl. 9:35

 

 

Albertína Friðbjörg Elíasdóttir

 

Gísli Halldór Halldórsson

Magnús Reynir Guðmundsson

 

Lína Björg Tryggvadóttir

Karl Guðmundsson

 

Jóhann Birkir Helgason

Anna Guðrún Gylfadóttir

 

 

 

Var efnið á síðunni hjálplegt?