Skipulags- og mannvirkjanefnd - 402. fundur - 9. október 2013

1.

2013090046 - Umsókn um lóð við Brjótinn, Suðureyri.

Lagt fram erindi dags. 20. september sl. frá Elíasi Guðmundssyni þar sem lögð er fram fyrirspurn um svæði við Brjótinn á Suðureyri.

Umhverfisnefnd óskar álits hafnarstjórnar á erindinu.

2.

2013090020 - Suðurtangi - umsókn um svæði.

Erindið var síðast á dagskrá umhverfisnefndar 25. september sl.
Bæjarráð óskaði eftir að að umhverfisnefnd kanni aðra möguleika á staðsetningu á fundi sínum 30. sept. sl.

Umhverfisnefnd felur sviðsstjóra umhverfis- og eignasviðs að ganga í málið í samráði við hafnarstjóra.

3.

2008060065 - Klukkuland og Hólakot í Dýrafirði - samningur um skógrækt.

Lagt fram bréf dags. 1. október sl. frá Lúðvík Emil Kaaber stjórnarformanni Trjáa ehf. vegna skógræktar í landi Klukkulands og Hólakots í Dýrafirði.

Lagt fram til kynningar.

4.

2010060059 - Lóðaleigusamningur í Hveravík Reykjanesi.

Lagt fram bréf dags. september 2013 frá Margréti Karlsdóttur og Rúnari Þór Brynjólfssyni eigendum Hveravíkur í Reykjanesi, Súðavíkurhrepp, þar sem óskað er eftir endurnýjun á lóðaleigusamning umhverfis íbúðarhús og skúr á lóðinni.

Umhverfisnefnd felur tæknideild að leggja fram drög að nýjum lóðaleigusamningi, ásamt afriti af eldri lóðaleigusamningi, fyrir næsta fund umhverfisnefndar.

5.

2011090100 - Deiliskipulag á Ingjaldssandi.

Lögð fram ný deiliskipulagstillaga af Álfadal svæði F32 við Vonarland á Ingjaldssandi.

Umhverfisnefnd leggur til við bæjarstjórn að deiliskipulagið verði auglýst í stað fyrri deiliskipulagstillögu, þar sem fyrir liggja nýjar upplýsingar frá Veðurstofu Íslands um hættumatslínur.

6.

2011030164 - Deiliskipulag í Reykjanesi.

Erindi síðasta á dagskrá umhverfisnefndar 11. september sl.
Bæjarráð gerði ekki athugasemd við erindið á fundi sínum 23. september sl.

Umhverfisnefnd leggur til við bæjarstjórn, að deiliskipulagstillagan verði send til Súðavíkurhrepps til auglýsinga- og athugasemdarferlis.
Umhverfisnefnd óskar eftir að fá athugasemdir, ef fram koma, til umsagnar áður en Súðavíkurhreppur tekur afstöðu til þeirra.
Lína Björg Tryggvadóttir sat hjá við afgreiðslu málsins.

7.

2011020060 - Deiliskipulag smáhýsa í Tungudal

Erindi síðast á dagskrá umhverfisnefndar 25. september sl.

Umhverfisnefnd leggur til að deiliskipulagstillagan verði send til úrvinnslu í vinnuhóp um deiliskipulag Tungudals og Seljalandsdals.

Magnús Reynir Guðmundsson bókaði eftirfarandi:
Undirritaður telur að samþykkja eigi hugmynd að byggingu smáhýsa í Tungudal. Slík hús yrðu góð viðbót við framboð gistingar á svæðinu bæði sumar og vetur. Það er mikilvægt að taka nýjum hugmyndum um uppbyggingu í bæjarfélaginu fagnandi í stað þess þvælast stöðugt fyrir með efasemdum og úrtölum. Bæjaryfirvöld þurfa að leita allra ráða til að efla byggðina og taka fagnandi öllum tillögum sem miða að framförum.