Skipulags- og mannvirkjanefnd - 397. fundur - 10. júlí 2013

1.

2013070015 - Suðurgata 11, Ísafirði - frystigeymsla

Lagt fram erindi dags. 26. júní sl. frá Brynjari Ingasyni fh. Kampa ehf., þar sem sótt er um leyfi til að byggja um 490 m² geymsluhús við suðurhlið á frystigeymslu Kampa ehf. að Suðurgötu 11, Ísafirði.

Umhverfisnefnd tekur jákvætt í erindið og leggur til við bæjarstjórn að farið verði í deiliskipulagsvinnu af svæðinu.

2.

2013070027 - Eyrarkirkjugarður - ástand garðs.

Lagt fram erindi dags. 8. júlí sl. þar sem Erla Bryndís Kristjánsdóttir landslagsarkitekt bendir á slæmt ástand Eyrarkirkjugarðs.

Umhverfisnefnd þakkar bréfritara fyrir þarfa ábendingu og lýsir sig tilbúna að koma að starfi í tengslum við framtíðarsýn garðsins. Umhverfisnefnd felur umhverfisfulltrúa að kortleggja öll tré í sveitarfélaginu sem hafa sérstöðu sbr. reglur um trjáfellingar í sveitarfélaginu.

3.

2012030090 - Grunnskólinn á Ísafirði 2012-2013

Lagðar fram teikningar af skólalóð grunnskóla Ísafjarðar.

Lagt fram til kynningar.

4.

2013060102 - Hreinsunarátak og Græn vika í Ísafjarðarbæ

Sorpnefnd Ísafjarðarbæjar leggur til að umhverfisnefnd feli nefndinni tímabundið verkefni sem lýtur að umhverfismálum í bæjarfélaginu. Það felst í að í samráði við bæjarstjóra, umhverfisfulltrúa og sviðsstjóra umhverfissviðs verði hreinsunarátak í Ísafjarðarbæ allt árið, hápunktur átaksins verði Græna vikan haldin í lok maí ár hvert. Að skipulagi Grænu vikunnar komi auk nefndarinnar fulltrúar allra skóla og stofnana í bæjarfélaginu og hverfisráð. Einnig verði í samráði við fyrirtæki og íbúa skipulagðir sérstakir hreinsunardagar þar sem gert er ráð fyrir að laust rusl og garðaúrgangur verði fjarlægður á kostnað bæjarfélagsins.

Umhverfisnefnd samþykkir erindið.

5.

2012010062 - Nýtingaráætlun fyrir strandsvæði Arnarfjarðar.

Lögð fram að nýju drög að áætlun um Nýtingaráætlun fyrir strandsvæði Arnarfjarðar. Drögin eru unnin af Teiknistofunni Eik ehf. dags. 23. janúar 2012.
Erindið var síðast á dagskrá umhverfisnefndar 14. febrúar 2012.
Erindinu var frestað á síðasta fundi umhverfisnefndar.

Umhverfisnefnd leggur til við bæjarstjórn að nýtingaráætlunin verði samþykkt.

6.

2013060015 - Fossárvirkjun í Skutulsfirði - framkvæmdaleyfi.

Lagt fram erindi dags. 4. júní sl. frá Orkubúi Vestfjarða ohf., þar sem sótt er um framkvæmdaleyfi fyrir Fossárvirkjun sem kemur í stað hluta af núverandi virkjun í Engidal.
Erindinu var frestað á síðasta fundi umhverfisnefndar þar sem ekki var búið að auglýsa deiliskipulag Fossárvirkjunar í b-deild Stjórnartíðinda.

Umhverfisnefnd leggur til við bæjarstjórn að framkvæmdaleyfið verði veitt fyrir Fossárvirkjun með eftirfarandi skilyrðum:
Að vegurinn fram Engidalinn verð lagfærður, að framkvæmd lokinni, í samráði við tæknideild Ísafjarðarbæjar, enda vegurinn ekki gerður fyrir umferð þungavinnuvéla.
Að umgengni og frágangur verði til fyrirmyndar og allt rask á framkvæmdatíma verði takmarkað.

7.

2011110038 - Dagverðardalur 11 - Umsókn um lóð

Lögð fram tillaga að breytingu á deiliskipulagi á lóðinni Dagverðardalur 11. Breytingartillagan er lögð fram af lóðarhafa að Dagverðardal 11.

Umhverfisnefnd leggur til við bæjarstjórn að deiliskipulagstillagan verði auglýst.