Skipulags- og mannvirkjanefnd - 336. fundur - 11. ágúst 2010


Mættir: Albertína Elíasdóttir, formaður, Marzellíus Sveinbjörnsson, Gísli Halldór Halldórsson, Lína Björg Tryggvadóttir, Sæmundur Þorvaldsson, Ralf Trylla umhverfisfulltrúi og Jóhann Birkir Helgason, sviðstjóri framkvæmda- og rekstrarsviðs, sem jafnframt ritaði fundargerð.






1.             Smáhýsi í Tungudal. (2010-08-0007).



Lagt fram erindi dagsett 16. júlí 2010, frá Guðmundi Tryggva Ásbergssyni, þar sem sótt er um leyfi til að reisa 20 smáhýsi á svæði sem er innan og vestan við tjaldsvæðið í Tungudal í samræmi við teikningu unna af Tækniþjónustu Vestfjarða.



Á fundinn mætti Guðmundur Tryggvi Ásbergsson og kynnti hugmynd sína.



Umhverfisnefnd bendir á að hugmyndin fellur ekki að Aðalskipulagi Ísafjarðarbæjar 2008-2020.  Nefndin telur hugmyndina spennandi og felur tæknideild að skoða kostnað við uppbyggingu vegar inn að svæðinu og útfærslur á skipulagi.



2.             Umsókn um lóðir fyrir endurbyggingu fyrsta byggðakjarna Suðureyrar. (2010-07-0062).



Lagt fram erindi dagsett 20. júlí 2010, frá Elíasi Guðmundssyni þar sem hann sækir f.h. óstofnaðs áhugamannafélags um lóðir við Rómarstíg á Suðureyri til að endurbyggja fyrsta byggðakjarnan á Suðureyri eins og hann var við upphaf byggðar á Suðureyri.



Umhverfisnefnd bendir bréfritara á að verið er að vinna deiliskipulag af Suðureyri.  Erindinu vísað til deiliskipulagsvinnunar.



3.             Mat á náttúrulegum staðháttum til þess að draga úr tjóni af völdum minka með minkasíum. (2010-08-0006).



Lagt fram erindi dags. 30. júlí sl. frá Reyni Bergsveinssyni f.h. Vaskur á Bakka ehf. er varðar minkaveiðar og hvernig best er að draga úr tjóni af völdum minka.



Umhverfisnefnd telur hugmyndirnar áhugaverðar og felur tæknideild að kanna reynslu af slíkum síum á vesturlandi og rannsóknir á hugsanlegum áhrifum á vistkerfið.



4.             Vinnumarkaðsráð Vestfjarða. ? Starfsþjálfun ? vinnustaðanám. (2010-07-0013).



Lagt fram erindi dags. 30. júní og 20. júlí sl. frá Kristni H. Gunnarssyni, verkefnisstjóra f.h. Vinnumarkaðsráðs Vestfjarða er varðar könnun meðal fyrirtækja og stofnana á Vestfjörðum um þessar mundir, um áhuga þeirra á samstarfi við Vinnumálastofnun um ný úrræði fyrir atvinnulaust fólk, svo sem starfsþjálfun og eða vinnustaðanám.



Erindið lagt fram til kynningar.



5.             Deiliskipulag í Seljalandi og Suðurtanga.



Erla Bryndís Kristjánsdóttir frá Teiknistofunni Eik kom til fundar undir þessum lið. 



 



6.             Önnur mál.



·         Lúpína og Kerfill



Umhverfisfulltrúi lagði fram kostnaðaráætlun frá Náttúrustofu Vestfjarða við kortlagningu Lúpínu og Kerfils á svæðum innan Ísafjarðarbæjar.  Áætlaður kostnaður er kr. 212.000,-



Umhverfisnefnd leggur til við bæjarstjórn að fjármagni verði veitt í verkefnið.



 



·         Aðgengi að leikvelli við Skipagötu.



Ábending frá Marzellíusi Sveinbjörnssyni um að kannað verði aðgengi að leikvellinum við Skipagötu m.t.t. bílaumferðar.



Umhverfisnefnd felur tæknideild að kanna málið.



 



·         Leikvöllur í Holtahverfi.



Ábending frá Línu Björk Tryggvadóttur um rennibraut á leikvellinum í Holtahverfi.



Umhverfisnefnd felur tæknideild að kanna málið.





Fleira ekki gert, fundarbókun upplesin og samþykkt.  Fundi slitið kl. 10:05.






Albertína Elíasdóttir, formaður


Marzellíus Sveinbjörnsson


Lína Björg Tryggvadóttir


S
æmundur Þorvaldsson


Gísli Halldór Halldórsson
                                                                       



Jóhann Birkir Helgason, sviðsstjóri framkvæmda- og rekstrarsviðs


Ralf Trylla, umhverfisfulltrúi



Var efnið á síðunni hjálplegt?