Nefnd um byggingu hjúkrunarheimilis - 9. fundur - 1. desember 2011

Þetta var gert:

1.         Félög eldri borgara í Önundarfirði og á Ísafirði. 2008-06-0016.

Formenn félaga eldri borgara í Önundarfirði og á Ísafirði, þeir Guðmundur Hagalínsson og Halldór Hermannsson mættu til fundar við nefndina vegna framkominnar óskar félaganna um fulltrúa í nefnd um byggingu hjúkrunarheimilis á Ísafirði.  Formaður nefndarinnar gerði formönnunum grein fyrir stöðu mála í undirbúningi að byggingu hjúkrunarheimilisins og óskaði eftir athugasemdum félaganna um þarfagreininguna.  Óskað er eftir að fulltrúar frá félögunum mæti til fundar við nefndina í janúar 2012 til þess að ræða mögulegar athugasemdir eða tillögur frá félögum eldri borgara.  Nefndin mun kalla eftir fulltrúum félaga eldri borgara á byggingartímanum.

 

2.         Deiliskipulagsmál. 2011-04-0052.

Sviðsstjóri umhverfis- og tæknisviðs lagði fram teikningar sem sýna fram á möguleika á nýtingu lóðarinnar við sjúkrahúsið fyrir hjúkrunarheimili.  Byggingarreiturinn býður upp á að hjúkrunarheimilið geti verið á einni hæð.  Sviðsstjóra umhverfis- og tæknisviðs falið að halda áfram vinnu við  deiliskipulag á þeim grundvelli að bygging við Hafnarstræti gæti orðið tvær hæðir en byggingarreitur yrði að öðru leyti nýttur fyrir byggingu á einni hæð. Byggingarmagn yrði þrjú þúsund fermetrar (40 rými). Guðmundur Hagalínsson og Halldór Hermannsson véku af fundi að lokinni umræðu um þennan lið. 

 

3.         Þarfagreining.  2008-06-0016.

Lögð fram til kynningar ,,Útgáfa B" af þarfagreiningu.

 

4.         Val á hönnuðum hjúkrunarheimilisins. 2008-06-0016.

Nefnd um byggingu hjúkrunarheimilis felur bæjarstjóra og sviðsstjórum að hefja vinnu við forval með vísan til bókunar nefndarinnar frá fundi þann 16. nóvember 2011.

 

5.         Önnur mál. 2008-06-0016.

A.        Nefndin óskar eftir fulltrúum frá Heilbrigðisstofnun Vestfjarða á næsta fund nefndarinnar, þann 14. desember 2011,  kl. 16:00.

 

Fleira ekki gert, fundi slitið kl.  17:17

Eiríkur Finnur Greipsson, formaður.

Sigurður Pétursson                                                                 

Svanlaug Guðnadóttir.

Daníel Jakobsson.                                                                  

Jóhann Birkir Helgason.

Margrét Geirsdóttir.

Var efnið á síðunni hjálplegt?