Menningarmálanefnd - 123. fundur - 29. maí 2006


Þetta var gert.



1. Undirbúningur dagskrár fyrir 17. júní hátíðahöld 2006.


Fram haldið undirbúningi að dagskrá fyrir hátíðahöldin þann 17. júní n.k. í Ísafjarðarbæ. Til fundar við menningarmálanefnd er mættur Elfar Logi Hannesson, sem mun sjá um og skipuleggja hluta hátíðarhaldanna.


Ákveðið var að hittast á óformlegum fundi á þriðjudag eða miðvikudag í næstu viku.


 


2. Umsóknir um styrki menningarmálanefndar 2006.  2006-02-0120.


Tekin fyrir að nýju styrkumsókn Tinnu Þorsteinsdóttur vegna verkefnisins ,,Við Djúpið?, en frestað var á 122. fundi nefndarinnar að taka afstöðu til hennar.


Menningarmálanefnd leggur til við bæjarráð að verkefnið ,,Við Djúpið? verði styrkt um sem svarar kr. 150.000.-, er samsvarar kostnaði vegna móttöku, gistingar og fæði, samkvæmt fjárhagsáætlun umsækjanda.  Styrkur færist að hluta á fjárhagsáætlun menningarmálanefndar og að hluta á 21-81-995-1.


Jafnframt er nú lögð fram umsókn frá sjómannadagsráði á Þingeyri, þar sem óskað er eftir styrk að upphæð kr. 50.000.- vegna hátíðahalda á sjómannadaginn þann 11. júní n.k.


Menningarmálanefnd samþykkir styrk að upphæð kr. 50.000.-


123. fundur menningarmálanefndar er síðasti formlegi fundur nefndarinnar á þessu kjörtímabili.  Inga Ólafsdóttir, formaður, þakkaði meðstjórnendum sínum, sem og bæjarritara fyrir samstarfið á líðandi kjörtímabili.  Aðrir nefndarmenn og bæjarritari þökkuðu Ingu og samstarfið. 


Fleira ekki gert, fundarbókun upp lesin og samþykkt, fundi slitið kl. 16:45.





Þorleifur Pálsson, ritari.


Inga Ólafsdóttir, formaður.


Sigurborg Þorkelsdóttir.     


Hansína Einarsdóttir.      





Var efnið á síðunni hjálplegt?