Íþrótta-og tómstundanefnd - 96. fundur - 13. ágúst 2008
Mætt voru: Guðný Stefanía Stefánsdóttir formaður, Rannveig Þorvaldsdóttir og Ingólfur Þorleifsson. Margrét Halldórsdóttir íþrótta- og tómstundafulltrúi Ísafjarðarbæjar. Þórdís Jakobsdóttir boðaði forföll og Guðríður Sigurðardóttir mætti í hennar stað. Stella Hjaltadóttir mætti ekki og enginn mætti í hennar stað.
Fundargerð ritaði Margrét Halldórsdóttir.
Þetta var gert:
1. Lögð fram styrkbeiðni frá styrktarsjóðnum Framför 2008-06-0028
Lögð fram styrkbeiðni frá styrktarsjóði skíðamanna Framför. Nefndin fagnar framtakinu og leggur til að Ísafjarðarbær leggi til stofnfé en bendir jafnframt á að hann leggi árlega fé í afreksmannasjóð HSV.
2. Lögð fram umsókn frá íþróttafélaginu Glóð í Kópavogi. 2008-08-0008.
Lagt fram bréf og styrkbeiðni frá Íþróttafélaginu Glóð í Kópavogi sem kemur vestur í september með kynningu á kastleiknum Ringó. Félagið fer fram á frí afnot af íþróttahúsum á Flateyri og Ísafirði, þátttöku í aksturskostnaði og að heimamenn sjái um að kynna heimsóknina. Nefndin leggur til að Glóð fái frí afnot af íþróttahúsum og að Ísafjarðarbær sjái um kynningu í sveitafélaginu.
3. Lagður fram húsaleigusamningur vegna félagsmiðstöðvarinnar á Þingeyri 2008-08-0011.
Samningurinn lagður fram til kynningar. Nefndin fagnar því að félagsmiðstöðin sé að komast í gott húsnæði.
4. Önnur mál.
Íþrótta- og tómstundafulltrúi sagði frá þeirri vinnu sem í gangi hefur verið í sumar varðandi menningarhús, en unnið hefur verið að þarfagreiningu með ýmsum aðilum og þykir ljóst að vöntun er á einhverskonar félagsaðstöðu.
Þá greindi íþrótta- og tómstundafulltrúi frá sparkvallarleikum sem haldnir verða um miðjan september á Ísafirði.
Íþrótta- og tómstundafulltrúi sagði frá vinnu við bækling um allt íþrótta- og tómstundastarf í Ísafjarðarbæ sem er vel á veg komin, verkefnið er samstarfsverkefni Ísafjarðarbæjar og HSV.
Fleira ekki gert, fundarbókun upp lesin og samþykkt. Fundi slitið klukkan kl. 17:00.
Guðný Stefanía Stefánsdóttir
Guðríður Sigurðardóttir
Ingólfur Þorleifsson
Margrét Halldórsdóttir
Rannveig Þorvaldsdóttir