Íþrótta-og tómstundanefnd - 93. fundur - 14. maí 2008

Mætt voru: Guðný Stefanía Stefánsdóttir, formaður, Þórdís J. Jakobsdóttir, Ingólfur Þorleifsson, Stella Hjaltadóttir og Margrét Halldórsdóttir, íþrótta- og tómstundafulltrúi Ísafjarðarbæjar. Rannveig Þorvaldsdóttir boðaði forföll og Unnar Reynisson mætti í hennar stað.


Fundargerð ritaði Margrét Halldórsdóttir.


 


Þetta var gert:


1. Lagt fram bréf frá Boltafélagi Ísafjarðar, um frí afnot af íþróttahúsinu á Torfnesi.   2008-05-0042.


Lagt fram bréf frá Boltafélagi Ísafjarðar, þar sem óskað er eftir gjaldfrjálsum afnotum af íþróttahúsinu á Torfnesi þann 21. maí n.k., í tilefni af 20 ára afmæli BÍ88.


Nefndin leggur til að samþykkt verði að BÍ88 fái frí afnot af íþróttahúsinu miðvikudaginn 21. maí n.k., í tilefni þessara merku tímamóta hjá félaginu.



2. Lagt fram bréf frá íþrótta- og tómstundafulltrúa varðandi húsnæði félagsmiðstöðva á Þingeyri og Suðureyri.   2008-05-0044.


Lagt fram bréf Margrétar Halldórsdóttur, íþrótta- og tómstundafulltrúa, dagsett 13. maí s.l., þar sem hún gerir grein fyrir húsnæðismálum félagsmiðstöðvanna á Þingeyri og Suðureyri.


Nefndin felur íþrótta- og tómstundafulltrúa að finna lausn á þessu máli.


Nefndin telur brýnt að þessi mál séu í lagi.



3. Lagt fram bréf frá íþrótta- og tómstundafulltrúa varðandi menningarhús ungs fólks.   2008-05-0043.


Lagt fram bréf Margrétar Halldórsdóttur, íþrótta- og tómstundafulltrúa, dagsett 13. maí s.l., þar sem hún gerir grein fyrir fundi með stjórn Nemendafélags Menntaskólans á Ísafirði, um opnun á menningarhúsi fyrir unga fólkið, í stað Gamla Apóteksins.


Nefndin felur íþrótta- og tómstundafulltrúa, formanni íþrótta- og tómstunda-nefndar og formanni félagsmálanefndar að vinna áfram að þessu máli.



4. Kynning á Vinnuskólanum sumarið 2008.


Lagður fram kynningabæklingur um Vinnuskóla Ísafjarðarbæjar sumarið 2008, þar sem fram kemur m.a. að allir þeir krakkar fæddir 1992-1994, sem eiga lögheimili í Ísafjarðarbæ eða foreldra sem eiga lögheimili í Ísafjarðarbæ fái vinnu. Vinnuskólinn verður til húsa í gamla Straumi að Silfurgötu 5, Ísafirði.



5.  Önnur mál:


Jón Páll Hreinsson spurðist fyrir um leikjanámskeið í sumar í Ísafjarðarbæ. Margrét Halldórsdóttir gerði grein fyrir samskiptum sínum við íþróttafélögin og sagði frá bækling, sem er í smíðum þar sem fram kemur allt það starf sem verður í Ísafjarðarbæ í sumar.





Fleira ekki gert, fundarbókun upp lesin og samþykkt.  Fundi slitið klukkan kl. 17:41 .





Guðný Stefanía Stefánsdóttir, formaður.


Þórdís J. Jakobsdóttir.


Unnar Þór Reynisson.


Margrét Halldórsdóttir.


Ingólfur Þorleifsson.


Stella Hjaltadóttir.


Jón Páll Hreinsson.



Var efnið á síðunni hjálplegt?