Íþrótta-og tómstundanefnd - 64. fundur - 13. september 2006
Guðný Stefanía Stefánsdóttir, formaður, Ingólfur Þorleifsson, Svava Rán Valgeirsdóttir, Lísbet Harðardóttir, Jón Björnsson, íþrótta- og tómstundafulltrúi og Ingibjörg María Guðmundsdóttir, forstöðumaður Skóla- og fjölskylduskrifstofu. Torfi Jóhannsson mætti fyrir hönd HSV.
Þórdís Jóna Jakobsdóttir mætti ekki og enginn í hennar stað.
Fundargerð ritaði Ingibjörg María Guðmundsdóttir.
Þetta var gert:
1. Forstöðumaður Félagsmiðstöðvar.
Lögð fram starfsmannastefna Ísafjarðarbæjar vegna umræðu um ráðningu forstöðumanns Félagsmiðstöðvar.
Íþrótta- og tómstundafulltrúa falið að auglýsa stöðuna.
2. Húsnæðismál Félagsmiðstöðvar á Ísafirði. 2006-09-0011
Lagt fram bréf forstöðumanns Skóla- og fjölskylduskrifstofu dags. 1. september s.l., sem ritað var bæjarráði um húsnæðismál Félagsmiðstöðvarinnar Ísafirði ásamt bókun bæjarráðs, þar sem fram kemur að bæjarráð samþykkir að hefja framkvæmdir í kjallara Sundhallarinnar við Austurveg á Ísafirði, til að skapa framtíðarhúsnæði fyrir félagsmiðstöð á Ísafirði.
Lagt fram til kynningar.
3. Erindi Golflklúbbsins Glámu. 2006-08-0051
Lagt fram erindi frá Golfklúbbnum Glámu á Þingeyri, sem bæjarráð framsendi til íþrótta- og tómstundanefndar til umfjöllunar vegna samræmingar á rekstrarframlögum til íþróttafélaganna.
Íþrótta- og tómstundanefnd telur brýnt að erindi frá íþróttafélögum fari rétta boðleið í samræmi við samning milli Ísafjarðarbæjar og HSV og að það verði HSV sem verði í öllum málum milliliður og tengiliður sveitarfélagsins við íþróttafélögin. Íþrótta- og tómstundanefnd vísar erindinu til HSV í samræmi við samning, til frekari úrlausnar.
4. Kynntur samningur HSV og Ísafjarðarbæjar. 2002-03-0019
Lagður fram núverandi samstarfssamningur Ísafjarðarbæjar og HSV. Samningurinn rennur út um næstu áramót og þarfnast þá um leið endurskoðunar.
Lagt fram til kynningar.
5. Framtíðartilhögun afreksmannasjóðs. 2003-01-0002
Lögð fram reglugerð um Afreks- og styrktarsjóð Ísafjarðarbæjar, sem í gildi er í dag.
Íþrótta- og tómstundanefnd felur starfsmanni að vinna tillögu að endurskoðuðu hlutverki og framtíðartilhögun sjóðsins í samvinnu við HSV.
6. Samningur HSV og Ísafjarðarbæjar vegna íbúðarhúsnæðis fyrir íþróttafélög innan HSV. 2004-02-0002
Lagt fram bréf frá framkvæmdarstjóra HSV, dags. 12. september s.l., þar sem óskað er endurskoðunar og endurnýjunar á samningi HSV og Ísafjarðarbæjar vegna íbúðarhúsnæðis fyrir íþróttafélög innan HSV. Óskað er eftir 6 íbúðum sem HSV geti úthlutað til íþróttafélaga.
Íþrótta- og tómstundanefnd vísar erindinu til endurskoðunar á samstarfssamningi milli HSV og Ísafjarðarbæjar, samningi sem rennur út um n.k. áramót.
7. Sjávarþorpið á Suðureyri. 2006-08-0006
Sjávarþorpið á Suðureyri hefur óskað eftir þátttöku Sundlaugarinnar á Suðureyri í klasaverkefni um markaðssetningu byggðakjarnans. Lögð er fram markaðsáætlun verkefnisins ásamt drögum að samningi.
Íþrótta- og tómstundanefnd telur að Ísafjarðarbær þurfi að hafa samræmda aðkomu að verkefninu og vísar erindinu til bæjarráðs.
Fleira ekki gert, fundargerð upp lesin og samþykkt. Fundi slitið kl. 17:00.
Guðný Stefanía Stefánsdóttir, formaður.
Ingólfur Þorleifsson.
Torfi Jóhannsson.
Stella Hjaltadóttir.
Lísbet Harðardóttir.
Ingibjörg María Guðmundsdóttir, forstöðumaður Skóla- og fjölskylduskrifstofu.
Jón Björnsson, íþrótta- og tómstundafulltrúi.