Íþrótta-og tómstundanefnd - 54. fundur - 14. desember 2005
Albertína Friðbjörg Elíasdóttir ritaði fundargerð.
Þetta var gert:
- Íþróttamaður Ísafjarðarbæjar 2005.
- Gjaldskrá íþróttahúss Suðureyrar.
- Þjónustukaup í íþróttahúsum.
- Gjaldskrá Skíðasvæðis.
- Endurskoðun á þjónustu Skíðasvæðis.
- Þjónusta í Skíðaskála, Tungudal.
- Önnur mál.
Lögð fram tillaga að dagskrá fyrir kjör Íþróttamanns Ísafjarðarbæjar, sem fram fari 29. desember kl. 17.00 í Stjórnsýsluhúsinu á Ísafirði.
Íþrótta- og tómstundanefnd samþykkir framkomna dagskrá.
Lögð fram tillaga að gjaldskrá íþróttahúss Suðureyrar.
Íþrótta- og tómstundanefnd leggur til að gjaldskrá íþróttahúss Suðureyrar verði hin sama og í íþróttahúsunum á Þingeyri og Flateyri.
Rætt um hvort búa þurfi til sérstakar reglur um þjónustukaup í íþróttahúsum.
Íþrótta- og tómstundafulltrúa falið að búa til drög að reglum.
Lögð fram tillaga að gjaldskrá Skíðasvæðis.
Íþrótta- og tómstundanefnd leggur til, að framlögð gjaldskrá verði samþykkt.
Rætt um endurskoðun á þjónustu Skíðasvæðis.
Íþrótta- og tómstundanefnd ítrekar bókun sína frá 51. fundi þann 12. október s.l., þar sem nefndin leggur til við bæjarstjórn að skipaður verði 5 manna starfshópur til að endurskipuleggja þjónustustig og setja upp framtíðarsýn fyrir Skíðasvæðið.
Lagt fram minnisblað frá íþrótta- og tómstundafulltrúa um þjónustu í Skíðaskála, Tungudal.
Lagt fram til kynningar.
Rætt almennt um samstarf íþróttafélaga.
Fleira ekki gert, fundargerð upp lesin og samþykkt. Fundi slitið kl. 17:15.
Bryndís Birgisdóttir, formaður.
Jón Hálfdán Pétursson. Jóna Benediktsdóttir.
Gunnar Þórðarson. Jón Björnsson, íþrótta- og tómstundafulltrúi.
Sturla Páll Sturluson. Guðríður Sigurðardóttir.