Íþrótta-og tómstundanefnd - 100. fundur - 12. nóvember 2008

Mætt voru: Guðný Stefanía Stefánsdóttir, formaður, Þórdís Jakobsdóttir, Stella Hjaltadóttir, Svava Rán Valgeirsdóttir og Ingólfur Þorleifsson, sem og Margrét Halldórsdóttir, íþrótta- og tómstundarfulltrúi Ísafjarðarbæjar og Kristján Þór Kristjánsson, framkvæmdarstjóri HSV.


Fundargerð ritaði Margrét Halldórsdóttir.



Þetta var gert:



1. Aðgengismál í Sundhöll Ísafjarðar.


Jóhann Bæring Gunnarsson, umsjónarmaður eigna, mætti á fundinn og gerði grein fyrir hugmyndum að uppsetningu lyftu í Sundhöll Ísafjarðar, til að bæta aðgengi fatlaðra að lauginni.


Nefndin fagnar því að verið sé að vinna í aðgengismálum í sundhöllinni.



2. Breyting á opnunartímum í íþróttahúsum. 2008-11-0016.


Lagt fram bréf frá Jóhanni B. Helgasyni þar sem lagðar eru til breytingar á opnunartímum í sundlaugum og íþróttahúsum í Ísafjarðarbæ.


Nefndin óskar eftir nánari upplýsingum um þann sparnað sem næst með þessum breytingum.


Nefndin hefur fullan skilning á að það þurfi að spara í þeim aðstæðum sem uppi eru í þjóðfélaginu. Hinsvegar eru nefndarmenn sammála um að huga þarf vel að andlegri og líkamlegri líðan íbúa á öllum aldri. Besta forvörnin er að bjóða upp á gott aðgengi að íþróttamannvirkjum í sveitarfélaginu. Það eykur vellíðan  og kraft fólks til að takast á við erfiða tíma.



3. Afnot af herbergi í íþróttahúsinu á Torfnesi. 2008-09-0044.


Lagt fram bréf HSV þar sem óskað er eftir notkun á herbergi í íþróttahúsinu á Torfnesi.


Nefndin leggur til að þeim verði heimiluð notkun á herberginu tímabundið.



4. Ungmennaráð Ísafjarðarbæjar. 2008-11-0018.


Lagðar fram til kynningar hugmyndir um hvernig skuli skipa í ungmennaráð Ísafjarðarbæjar og hvert hlutverk þess verður. Nefndin fagnar því að stofnað verði ungmennaráð  í Ísafjarðarbæ.



5. Styrkbeiðni frá Bandalagi íslenskra skáta vegna skátamóts. 2008-10-0065.


Lagt fram bréf frá Bandalagi íslenskra skáta með styrkbeiðni vegna skátamóts sem verður m.a. haldið á Ísafirði sumarið 2009.


Nefndin leggur til að Ísafjarðarbær styrki verkefnið án þess að þurfa að leggja út í beinan fjárhagslegan kostnað.



6. Bréf Knattspyrnusambands Íslands. ? Fjárframlag til barna- og unglingastarfs aðildarfélaga. 2008-11-0004.


Lagt fram til kynningar bréf frá KSÍ er varðar aukið fjármagn til barna og unglingastarfs.



7. Bréf Ungmennafélags Íslands. ? Samþykkt tillaga frá sambandsráðsfundi UMFÍ. 2008-10-0075.


Lagt fram til kynningar bréf frá UMFÍ dagsett 29. október s.l., þar sem UMFÍ þakkar Ísafjarðarbæ fyrir stuðning sveitarfélagsins við HSV.



8. Bréf Ungmennafélags Íslands. ? Samþykkt tillaga frá sambandsráðsfundi UMFÍ. 2008-10-0075.


Lagt fram til kynningar bréf frá UMFÍ dagsett 29. október s.l., þar sem UMFÍ hvetur sveitarstjórnir í landinu til að standa vörð um íþrótta- og æskulýðsstarf.


Nefndin fagnar bréfinu.


 


Fleira ekki gert, fundarbókun upp lesin og samþykkt.  Fundi slitið klukkan kl. 17:50.


Guðný Stefanía Stefánsdóttir, formaður.


Þórdís Jakobsdóttir.


Ingólfur Þorleifsson.


Stella Hjaltadóttir.


Svava Rán Valgeirsdóttir.


Margrét Halldórsdóttir.


Kristján Þór Kristjánsson.



Var efnið á síðunni hjálplegt?