Íþrótta - 166. fundur - 17. febrúar 2016

1.  

Verkefnalisti íþrótta- og tómstundanefndar - 2014030027

Lagður fram verkefnalisti íþrótta- og tómstundanefndar.

Lagt fram til kynningar.

2.  

Rekstur á lyftingaaðstöðu í Vallarhúsi - 2013060084

Lagður fram tölvupóstur frá HSV þar sem erindi BÍ, nú Vestra nýstofnaðs félags, er ítrekað.

Nefndin leggur til við bæjarráð að Vestri fái yfirráð yfir Vallarhúsinu á Torfnesi. Gerður verði samningur um notkun hússins til eins árs í upphafi. Nefndin felur starfsmanni að gera drög að samningi, í samstarfi við HSV fyrir hönd Vestra. Drög að samningnum verði lögð fyrir nefndina áður en hann verður undirritaður.

3.  

Uppbyggingarsamningar við íþróttafélög - 2015020007

Lagður fram tölvupóstur frá HSV þar sem fram kemur ósk um áframhaldandi uppbyggingarsamningi við GÍ.

Nefndin leggur til við bæjarráð að gengið verði til samninga við GÍ á grundvelli fjárhagsáætlunar 2016.

4.  

Athugasemd vegna gjaldskrár skíðasvæðis - 2015120058

Lagt fram minnisblað sviðsstjóra skóla- og tómstundasviðs þar sem fram koma tillögur að breytingum á gjaldskrá íþróttamannvirkja.

Nefndinni líst ágætlega á tillögurnar sem þarf að vinna áfram, meðal annars skoða afslátt vegna sambúðarforms og vísar málinu til fjárhagsáætlunargerðar 2017.