Íþrótta - 160. fundur - 30. september 2015

1.  

Verkefnalisti íþrótta- og tómstundanefndar - 2014030027

Lagður fram verkefnalisti íþrótta- og tómstundanefndar.

Nefndin óskar eftir greiningu á notkun lyftingaraðstöðu í vallarhúsinu.

2.  

Fjárhagsáætlun 2016 - 2015030048

Lagt fram minnisblað bæjarritara, Þórdísar Sifjar Sigurðardóttur dagsett 21. september 2015. Þar sem fram kemur að bæjarráð leggur til að gjaldskrá hækki um 4,3%. Einnig lögð fram gjaldskrá sveitarfélagsins árið 2015.

Nefndin leggur til að farið verði varlega í hækkanir á árskortum í íþróttamannvirki Ísafjarðarbæjar, bæjarbúar verði frekar hvattir til hreyfingar. Jafnframt vill nefndin skoða að gjaldfrjálst yrði fyrir börn 0-18 ára í íþróttamannvirki Ísafjarðarbæjar.

3.  

Árskýrsla HSV 2014 - 2015090073

Lögð fram árskýrsla Héraðssambands Vestfirðinga.

Lagt fram til kynningar.

4.  

Vinnuskólinn 2015 - 2015070034

Lögð fram árskýrsla vinnuskóla Ísafjarðarbæjar 2015.

Lagt fram til kynningar.

5.  

Aðstaða til inniklifuræfinga á Ísafirði - 2015090069

Lagður fram tölvupóstur Örvars Dóra Rögnvaldssonar, dagsettur 21. september sl., þar sem óskað er eftir viðræðum við bæjaryfirvöld vegna aðstöðu til inniklifuræfinga á Ísafirði.

Nefndin fagnar frumkvæði bréfritara og tekur jákvætt í erindið hljótist ekki kostnaður af þar sem verið er að vinna eftir samþykktri uppbyggingaráætlun. Nefndin felur starfsmanni að kanna hvort Ísafjarðarbær eigi húsnæði sem gæti hentað hugmyndinni.