Íþrótta - 147. fundur - 19. febrúar 2014

1.

2014020062 - Verkaskipting á kappleikjum í íþróttahúsinu á Torfnesi.

Lagt fram bréf frá KFÍ þar sem óskað er eftir aukinni þjónustu á kappleikjum í tveimur efstu deildum Íslandsmóts meistaraflokka, þar sem almenningi er seldur aðgangur.

Nefndin leggur áherslu á að reglur um kappleiki eru skýrar, hún er hinsvegar ekki tilbúin til að samþykkja aukningu stöðugilda. Nefndin felur starfsmanni að skoða hvort mögulegt er leysa málið án kostnaðarauka.

2.

2011030095 - Stefnumótun í íþrótta- og tómstundamálum Ísafjarðarbæjar

Lagðar fram athugasemdir frá almenningi varðandi uppbyggingaráætlun íþróttamannvirkja Ísafjarðarbæjar.

Unnið að uppbyggingaráætlun íþróttamannvirkja, farið yfir þær umsagnir sem komu frá almenningi. Stefnt að því að klára áætlunina á næsta fundi.

3.

2014020071 - Ósk frá Stormi um samstarfssamning

Lagt fram bréf Hestamannafélaginu Stormi, dagsett 18. febrúar 2014, þar sem óskað er eftir samstarfssamningi við Ísafjarðarbæ vegna reiðahallarinnar í Dýrafirði.

Nefndin leggur til að hafnar verði viðræður við félagið með það að leiðarljósi að gerður verði viðaukasamningur við verkefnasamning Ísafjarðarbæjar og HSV.