Stjórnarfundur 26. apríl 2021

Mætt:
Finney Rakel Árnadóttir
Tinna Ólafsdóttir
Jóhanna Oddsdóttir

Fundur settur kl. 16:10

Tinna sér um fundarritun.

1. Innlegg hverfisráðs við skipulagningu á sumarvinnu garðyrkjudeildar og áhaldahúss Ísafjarðarbæjar.
   Hugmyndir hverfisráðs:
   
   • Gera Skipagöturóló vistlegri, m.a. með auknum gróðri (ein dauð hrísla í einu horni), sá í jarðveg.
   • Setja hlið á Skipagöturóló.
   • Grisja og lækka gróður í beðum meðfram allri Pollgötu og í kringum hringtorg, plöntur við Edinborgarhúsið skyggja fyrir vegfarendum á sumrin og snjósöfnun á göngustígum við Neista og kirkju vegna runna er oft allt of mikil að vetri.
   • Laga ljósin á göngustígnum utan við Fjarðarstræti.
   • Sá í drullusvaðið við hliðina á afaróló í Fjarðarstræti.
     Hugmyndir sem bárust á Facebook-síðu hverfisráðsins:
   • Túnunum við höfnina, þar sem áður voru olíutankar, verði gert hærra undir höfði.
   • Halda við Jónsgarði, grisja og gera fallegan. Eins með skóginn fyrir ofan Urðarveg.
   • Slá Rikkutún.
   • Slá brekkuna í króknum (fyrir neðan sjómannablokkina) til að halda kerflinum í skefjum.
   • Setja borð og bekki á opna svæðið fyrir framan Sindragötublokkirnar og jafnvel útigrill fyrir gesti og gangandi.
   • Slá túnið fyrir neðan Urðavegsblokkina, slá í kringum Engi og fyrir ofan áhaldahús og reyna stoppa kerfilinn þar í kring.
   • Fá blómaker og bekki sólarmegin á Silfurtorgi.
   • Það má leggja áherslu á græna blettinn milli Hafnarstrætis 19 og Neistahússins. Þar er komin upp mjög ósmekkleg sorphirða og þarf að laga það, samræma ílátin sem safna á í og losa þegar er fullt. Einnig mætti gera þennan græna blett meira aðlaðandi með bekkjum og þess háttar.
2. Önnur mál:
   Rætt um að óska eftir því við lögregluna að fara í átak vegna bíla sem lagt er ólöglega, ekki síst í þröngum götum á eyrinni, og sem skildir eru eftir í gangi.
   Samkvæmt samþykkt skal aðalfundur haldinn að hausti, rætt um að boða til aðalfundar í september.
   Fleira ekki gert og fundi slitið kl. 16:45.