Fræðslunefnd - 370. fundur - 18. ágúst 2016

1.  

Verkefnalisti fræðslunefndar - 2014030064

Lagður fram verkefnalisti fræðslunefndar.

Gerð var grein fyrir þeim verkefnum sem liggja fyrir og eru í vinnslu.

2.  

Skóladagatal 2016-2017 - 2016040002

Lagt fram skóladagatal fyrir skólaárið 2016-2017 frá Grunnskólanum á Þingeyri.

Fræðslunefnd gerir ekki athugasemd við skóladagatal Grunnskólans á Þingeyri

3.  

Fréttabréf grunnskóla 2015-2016 - 2015090015

Lagt fram fréttabréf frá Grunnskólanum á Ísafirði.

Fræðslunefnd þakkar fyrir fróðlegt og skemmtilegt fréttabréf.

4.  

Áætlanir og skýrslur grunnskóla skólaárið 2015-2016 - 2016070015

Lagðar fram ýmsar skýrslur grunnskóla. Frá Grunnskólanum á Ísafirði: sjálfsmatsskýrsla og ársskýrsla fyrir skólaárið 2015-2016 og símenntunaráætlun og starfsáætlun fyrir skólaárið 2016-2017. Frá Grunnskóla Önundarfjarðar: árs- og sjálfsmatsskýrsla fyrir skólaárið 2015-2016. Frá Grunnskólanum á Suðureyri: ársskýrsla fyrir skólaárið 2015-2016 og umbótaáætlun. Frá Grunnskólanum á Þingeyri: sjálfsmats- og ársskýrslur fyrir skólaárið 2015-2016.

Fræðslunefnd þakkar fyrir greinargóðar starfsáætlanir og skýrslur.

5.  

Móðurmálskennsla fyrir börn innflytjenda - 2016070014

Lögð fram lokaskýrsla vegna styrks úr Þróunarsjóði innflytjendamála
,,Móðurmálskennsla fyrir börn innflytjenda" Markmið verkefnisins var m.a. til að styrkja nemendur faglega í móðurmáli sínu og um leið að þroska með þeim félagslegan styrk og sjálfstraust sem fullgildir meðlimir íslensks samfélags.

Fræðslunefnd þakkar fyrir frumkvæðið og vill að leitað verði leiða til halda áfram með verkefnið.

6.  

Ábending til skólanefnda. - 2016050052

Lagt fram bréf frá Velferðarvaktinni til sveitarstjórna, skólanefnda, skólaskrifstofa og skólastjóra, þar sem hvatt er til að leggja kostnaðarþátttöku foreldra vegna ritfangakaupa barna af eða halda henni í lágmarki.

Eins og kemur fram í bréfinu þá er kostnaði foreldra barna í Ísafjarðarbæ haldið í lágmarki.

7.  

Þjónusta talmeinafræðings. - 2016070027

Lögð fram drög að verklagsreglum er varða þjónustu talmeinafræðings við börn, foreldra og starfsmenn leik- og grunnskóla í Ísafjarðarbæ.

Fræðslunefnd gerir ekki athugasemd við reglurnar.

8.  

Skóladagatal 2016-2017 - 2016030044

Lagt fram skóladagatal Leikskólans Sólborgar .

Fræðslunefnd vill að sameinaðir séu tveir hálfir fundardagar í einn heilan í apríl.

9.  

Skóladagatal 2016-2017 - 2016030044

Ósk um breytingu á skóladagatali leikskólans Laufáss.

Fræðslunefnd gerir ekki athugasemd við breytingarnar á skóladagatalinu.

10.  

Starfsáætlanir leikskóla 2016-2017. - 2016070011

Lagðar fram starfsáætlanir leikskólanna Tjarnarbæjar, Laufáss og Eyrarskjóls fyrir skólaárið 2016-2017.

Lagt fram til kynningar.

11.  

Gæðamat og -þróun Hjallastefnunnar starfsárið 2016 - 2016060095

Lagt fram gæðamat og þróun Hjallastefnunnar á leikskólanum Eyrarskjóli.

Fræðslunefnd þakkar innsent erindi.

12.  

Framtíðarsýn í dagvistarmálum Ísafjarðarbæjar. - 2013010070

Staða dagvistarmála.

Farið var yfir stöðu mála í dagvistarmálum.

13.  

Listaskóli Rögnvaldar 2016 - 2016070013

Lögð fram ársskýrsla 2015-2016 frá Listaskóla Rögnvaldar Ólafssonar, sjálfsmatsskýrsla og drög að jafnréttisáætlun. Einnig er lagður fram nemendalisti 2015-2016 ásamt skóladagatali LRÓ fyrir skólaárið 2016-2017.

Fræðslunefnd þakkar fyrir skýrsluna.

Gestir

Margrét Gunnarsdóttir skólastjóri Listaskóla Rögnvaldar Ólafssonar - 09:25