Fræðslunefnd - 353. fundur - 5. febrúar 2015

1.

2014030064 - Verkefnalisti fræðslunefndar

Lagður fram verkefnalisti fræðslunefndar.

Lagt fram til kynningar.

2.

2015010025 - Mennta- og menningarmálaráðuneyti - ýmis erindi 2015

Lögð fram skýrsla frá Mennta- og menningarmálaráðuneytinu um Ung fólk 2014, grunnskólar, samanburður rannsókna árin 2000 til 2014.
Staða og þróun yfir tíma.

Lagt fram til kynningar.

3.

2014090072 - Fréttabréf grunnskóla 2014-2015

Lögð fram fréttabréf frá Grunnskólanum á Ísafirði og Grunnskóla Önundarfjarðar.

Lagt fram til kynningar.

4.

2014110015 - Stillum saman strengi

Margrét Halldórsdóttir, sviðsstjóri skóla- og tómstundasviðs kynnti hvað væri búið að gerast í verkefninu Stillum saman strengi.

Lagt fram til kynningar.

5.

2015020011 - Umsögn um frumvarp til laga um Menntastofnun

Lagður fram tölvupóstur, dagsettur 28. janúar 2015, frá Allsherjar- og menntamálanefnd Alþingis, þar sem óskað er eftir umsögn um frumvarp til laga um Menntamálastofnun (heildarlög).
Þess er óskað að undirrituð umsögn berist eigi síðar en 16. febrúar nk. á netfangið nefndasvid@althingi.is

Lagt fram til kynningar.

6.

2014120059 - Skólanámskrár leikskólanna

Lagðar fram skólanámskrár leikskólanna Eyrarskjóls, Laufáss og Grænagarðs.

Lagt fram til kynningar.

7.

2013010070 - Leikskóladeild fyrir 5 ára börn í Skutulsfirði, ungbarnadeild og fleiri lausnir í dagvistarmálum

Lagt fram minnisblað, dagsett 5. febrúar 2015, frá Sigríði Ólöfu Kristjánsdóttur, formanni fræðslunefndar, þar sem hún telur að mikilvægt sé að skilgreina upp á nýtt stefnu Ísafjarðarbæjar varðandi málefni leikskóla og skoða til hvaða aðgerða hægt er að grípa til að setja Ísafjarðarbæ í fremstu röð sem búsetukost fyrir foreldra ungra barna.

Fræðslunefnd óskar eftir að bæjarstjórn heimili vinnu við mótun heildstæðrar stefnu í dagvistarmálum, með hliðsjón af minnisblaði Sigríðar.

8.

2015020010 - Dagur leikskólans 2015

Lagt fram kynningarbréf, frá Félagi leikskólakennara, Félagi stjórnenda leikskóla, mennta- og menningarmálaráðuneyti, Sambandi íslenskra sveitarfélaga og Heimili og skóla, þar sem minnt er á dag leikskólanna sem er 6. febrúar.

Lagt fram til kynningar.