Fræðslunefnd - 316. fundur - 21. desember 2011

1.

2011060042 - Skóladagatöl 2011-2012.

Lagt fram minnisblað frá Sigurlínu Jónasdóttur, leikskólafulltrúa, þar sem kemur fram að Leikskólarnir Eyrarskjól, Sólborg og Tjarnarbær hafa lokað í 4 vikur á sumrin, en Laufás og Grænigarður í 5 vikur. Flestir kennarar skólanna eiga mun fleiri sumarfrísdaga, heldur en lokunin dekkar og hefur oft verið álag í leikskólunum þegar dekka þarf frí sem tekið er umfram lokun. Afleysingarstaðan hefur varla nægt til að leysa af og því hefur orðið til álag á starfsfólkið. Með því að loka öllum skólunum í 5 vikur samfellt ná kennararnir að taka fleiri sumarfrísdaga og minnkar því álagið á skólann í framhaldi af því.

Fræðslunefnd leggur til við bæjarstjórn, að öllum leikskólum Ísafjarðarbæjar verði lokað í 5 vikur næsta sumar og að Eyrarskjól og Sólborg loki ekki samtímis lengur en tvær vikur.

2.

2011120026 - Foreldrakönnun 2011.

Lagðar fram til kynningar niðurstöður könnunar sem lögð var fyrir foreldra leikskólabarna í Ísafjarðarbæ. Í heildina eru foreldrar ánægðir með leikskólana.

Fræðslunefnd lýsir yfir ánægju með niðurstöður könnunarinnar.

3.

2011120043 - Trúnaðarmál.

Lagt fram trúnaðarmál.

Eitt trúnaðarmál tekið fyrir sem fært var til bókar og geymt í trúnaðarmálamöppu fræðslunefndar.

4.

2011120044 - Trúnaðarmál.

Lagt fram trúnaðarmál

Eitt trúnaðarmál tekið fyrir sem fært var til bókar og geymt í trúnaðarmálamöppu fræðslunefndar.