Fræðslunefnd - 314. fundur - 2. nóvember 2011

1.

2011100094 - Beiðni um aukið stöðugildi við Grænagarð

Lagt fram bréf dagsett 28. október 2011, frá Sigurlínu Jónasdóttur, leikskólafulltrúa, þar sem óskað er eftir aukningu um 0,5 stöðugildi við leikskólann Grænagarð, vegna fjölgunar barna í skólanum.

Fræðslunefnd leggur til við bæjarstjórn að beiðnin verði samþykkt og bendir á að ekki eru starfandi dagforeldrar á Flateyri.

2.

2011100091 - Yfirlit yfir skyldur og ábyrgð skólanefnda

Lagðar fram leiðbeiningar um yfirlit og skyldur skólanefnda vegna leikskóla. Þar sem dregin er fram sú ábyrgð og þær skyldur sem sveitarfélög og skólanefndir bera samkvæmt nýjum lögum um leikskóla í þeim tilgangi að efla skólanefndir í hlutverki sínu. Samantektina gerði Björk Ólafsdóttir hjá Sambandi íslenskra sveitarfélaga.

Lagt fram til kynningar.

3.

2011100090 - Innra mat leikskóla og grunnskóla, leiðbeiningar og viðmið fyrir sveitarfélög

Lagðar fram leiðbeiningar og viðmið fyrir sveitarfélög
í tengslum við innra mat leikskóla. Þessu riti er ætlað að vera leiðarvísir fyrir nefndina eða aðila á hennar vegum við að sannreyna að innra mat leikskólans sé framkvæmt á viðunandi hátt og niðurstöður þess séu nýttar til umbóta.
Samantektina gerði Björk Ólafsdóttir hjá Sambandi íslenskra sveitarfélaga.

Lagt fram til kynningar.

4.

2011080013 - Fjárhagsáætlun 2012 og þriggja ára áætlun

Lagt fram minnisblað frá Sigurlínu Jónasdóttir, daggæslufulltrúa, þar sem farið er yfir niðurgreiðslur Ísafjarðarbæjar til dagforeldra.

Fræðslunefnd óskar eftir frekari kostnaðargreiningu.

5.

2011070015 - Skýrslur, áætlanir og niðurstöður á mati skólanna.

Lagðar fram starfsáætlanir Grunnskólans á Ísafirði, Grunnskólans á Þingeyri og Gunnskóla Suðureyrar, fyrir 2011-2012.

Lagt fram til kynningar.

6.

2011100091 - Yfirlit yfir skyldur og ábyrgð skólanefnda

Lagðar fram leiðbeiningar um yfirlit og skyldur skólanefnda vegna grunnskóla. Þar sem dregin er fram sú ábyrgð og þær skyldur sem sveitarfélög og skólanefndir bera samkvæmt nýjum lögum um grunnskóla í þeim tilgangi að efla skólanefndir í hlutverki sínu. Samantektina gerði Björk Ólafsdóttir hjá Sambandi íslenskra sveitarfélaga.

Lagt fram til kynningar.

7.

2011100090 - Innra mat leikskóla og grunnskóla, leiðbeiningar og viðmið fyrir sveitarfélög

Lagðar fram leiðbeiningar og viðmið fyrir sveitarfélög
í tengslum við innra mat grunnskóla. Þessu riti er ætlað að vera leiðarvísir fyrir nefndina eða aðila á hennar vegum við að sannreyna að innra mat grunnskólans sé framkvæmt á viðunandi hátt og niðurstöður þess séu nýttar til umbóta.
Samantektina gerði Björk Ólafsdóttir hjá Sambandi íslenskra sveitarfélaga.

Lagt fram til kynningar.

8.

2011100088 - Greinagerð um viðmið og mat á kennslumagni

Lögð fram tillaga að breytingum á viðmiðum og mati á kennslustundaúthlutun fyrir grunnskóla Ísafjarðarbæjar.

Fræðslunefnd leggur til að tillagan verði send stjórnendum grunnskólanna til umsagnar, með þeim breytingum sem ræddar voru.

9.

2011100093 - Brottvikningar úr skólum 2011-2012

Lögð fram tilkynning um tveggja daga brottvikningu nemenda úr skóla sveitarfélagsins.

Lagt fram til kynningar