Fræðslunefnd - 297. fundur - 24. ágúst 2010

Mætt voru: Margrét Halldórsdóttir, formaður, Jónas Birgisson og Jóna Benediktsdóttir. Auður Ólafsdóttir mætti ekki og enginn í hennar stað. Helga Dóra Kristjánsdóttir boðaði forföll og mætti Guðrún Í. Hreinsdóttir í hennar stað. Jafnframt mættu Sigurlína Jónasdóttir leikskólafulltrúi og Kristín Ósk Jónasdóttir grunnskólafulltrúi.


Fundarritari: Sigurlína Jónasdóttir.

Leikskólamál.


Mættur áheyrnarfulltrúi Helga Björk Jóhannsdóttir, leikskólastjóri.

1. Tölulegar upplýsingar um leikskóla.  2010-08-0049.


Lögð fram samantekt leikskólafulltrúa um fjölda leikskólabarna í Ísafjarðarbæ og hvernig þau skiptast niður á byggðakjarna.

Grunnskólamál.


 Mættir áheyrnarfulltrúar: Auðbjörg Halla Knútsdóttir fulltrúi kennara og Guðrún Guðmundsdóttir fulltrúi foreldra.

2. Ársskýrslur GÍ, GÖ og GS.   2010-08-0044


Lagðar fram ársskýrslur Grunnskólans á Ísafirði, Grunnskóla Önundarfjarðar og Grunnskólans á  Suðureyri.


Fræðslunefnd þakkar fyrir greinargóðar skýrslur og ítrekar jafnframt um skil á skýrslu frá Grunnskólanum á  Þingeyri.

3. Sjálfsmatsskýrslur GÖ og GS.  2010-08-0043


Lagðar fram þrjár sjálfsmatsskýrslur frá Grunnskólanum á Suðureyri og ein frá Grunnskóla Önundarfjarðar.


Fræðslunefnd fagnar að hafa fengið skýrslur frá tveimur af fjórum skólum Ísafjarðarbæjar og ný fræðslunefnd bindur vonir við að matsverkefni allra skólanna komist í betra horf þar sem fyrirhugað er námskeið fyrir stjórnendur og starfsmenn grunnskólanna. 

4. Skólanámskrá Grunnskólans á Ísafirði.  2010-08-0050


Lögð fram til kynningar skólanámskrá Grunnskólans á Ísafirði skólaárið 2010-2011.

5. Skólavogin. 2010-08-0046


Lagðar fram niðurstöður grunnskóla Ísafjarðarbæjar í Skólavoginni.


Fræðslunefnd fagnar því hversu vel skólarnir eru reknir en bendir jafnframt á að slakur árangur barna í stærðfræði er mikið áhyggjuefni. Því vill fræðslunefnd fela starfsmönnum Skóla- og fjölskylduskrifstofu að koma með hugmyndir og kostnaðaráætlun á næsta fund fræðslunefndar um myndun rýnihóps sem fer í að skoða markvisst stærðfræðikennslu skólanna og gerir umbótaáætlun í framhaldinu.

6. Rannsókn og greining - niðurstöður Ísafjarðarbæjar.  2010-08-0047


Lagðar fram niðurstöður Ísafjarðarbæjar frá Rannsókn og greiningu um hagi og líðan unglinga.


Fræðslunefnd vill beina því til skólanna að skoða sérstaklega niðurstöður um upplifun nemenda á samskiptum við kennara.

7. Tölulegar upplýsingar um grunnskóla. 2010-08-0048


Lögð fram samantekt grunnskólafulltrúa um nemendafjölda í grunnskólum Ísafjarðarbæjar við upphafi skólaárs.

8. Önnur mál.


Nefndamenn hvattir til að kynna sér almenna hluta nýrrar Aðalnámskrár grunnskóla og verður það efni tekið til umfjöllunar á næsta fundi fræðslunefndar.

Ítrekuð beiðni um að fræðslunefnd fái skýrsluna um mat á Menntasmiðjunni.

Fleira ekki gert og fundi slitið kl.  18.10.

Margrét Halldórsdóttir, formaður.


Jónas Birgisson.


Guðrún Í. Hreinsdóttir.


Jóna Benediktsdóttir.     


Kristín Ósk Jónasdóttir, grunnskólafulltrúi     


Sigurlína Jónasdóttir, leikskólafulltrúi