Fræðslunefnd - 271. fundur - 8. apríl 2008
Mætt voru: Einar Pétursson formaður, Kristín Hálfdánsdóttir, Gylfi Þór Gíslason, Margrét Geirsdóttir forstöðumaður Skóla- og fjölskylduskrifstofu, Sigurlína Jónasdóttir leikskólafulltrúi og Kristín Ósk Jónasdóttir grunnskólafulltrúi. Elías Oddsson og Soffía Ingimarsdóttir mættu ekki og engir varamenn í þeirra stað.
Fundarritari: Margrét Geirsdóttir.
Leikskólamál
Mættur áheyrnarfulltrúi: Jóna Lind Karlsdóttir f.h. leikskólastjóra.
1. Ályktanir frá aðalfundi Félags leikskólakennara 2008. 2008-03-0050
Lagt fram bréf dagsett 19. mars 2008 frá Félagi leikskólakennara. Á aðalfundi félagsins sem haldinn var dagana 13. og 14. mars sl. voru sjö ályktanir samþykktar. Ályktanirnar eru eftirfarandi:
a) Kjaramálaályktun.
b) Ályktun um réttindi og starfsaðstæður trúnaðarmanna.
c) Ályktun um stefnu í vinnuumhverfismálum.
d) Skólamálaályktun.
e) Ályktun um menntunarátak.
f) Ályktun um lágmarkskröfu í íslensku til að geta starfað í leikskóla.
g) Ályktun vegna áforma Reykjavíkurborgar um 5 ára bekki.
Lagt fram til kynningar.
2. Umhverfi og heilsa barna í norrænum leikskólum. 2008-03-0007
Lagt fram bréf dagsett 26. febrúar 2008 frá Umhverfisstofnun sem og bæklingurinn Umhverfi og heilsa barna í norrænum leikskólum. Bæklingurinn er gefinn út af Norrænu ráðherranefndinni og byggir á skýrslu um samnefnt verkefni. Í bæklingnum er greint frá úrræðum sem yfirvöld á Norðurlöndum hafa gripið til í þeim tilgangi að bæta umhverfi og heilsu barna.
Lagt fram til kynningar.
Grunnskólamál.
Mættir áheyrnarfulltrúar: Þórdís Jensdóttir f.h. foreldra, Ellert Örn Erlingsson f.h. skólastjóra og Sigríður Steinunn Axelsdóttir fyrir hönd kennara.
3. Lögverndun á starfsheiti og starfsréttindum grunnskólakennara og skólastjóra. 2008-04-0003
Lagt fram bréf dagsett 27. mars 2008 frá Menntamálaráðuneytinu. Í bréfinu er tekið fram hvaða reglur gilda við ráðningu grunnskólakennara og skólastjóra, skv. ákvæðum laga nr. 86/1998 um lögverndun á starfsheiti og starfsréttindum grunnskólakennara, framhaldsskólakennara og skólastjóra.
Lagt fram til kynningar.
4. Allt hefur áhrif ? stöðumat verkefnis 2007 ? leik- og grunnskólar. 2008-04-0009
Lögð fram skýrsla dagsett í janúar sl. með niðurstöðum könnunar á meðal leik- og grunnskólastjóra í landinu um umhverfi barna í skólum.
Lagt fram til kynningar.
5. Skólamálastefna Sambands íslenskra sveitarfélaga. 2008-03-0015
Lagt fram bréf dagsett 4. mars 2008 frá Sambandi íslenskra sveitarfélaga þar sem fram kemur að skólamálastefna Sambandsins hafi verið samþykkt á stjórnarfundi 22. febrúar sl. Stefnan ásamt greinargerð lögð fram til kynningar.
6. Uppsögn skólastjórans á Þingeyri. 2008-04-0036
Lagt fram uppsagnarbréf dagsett 26. mars sl. frá Ellerti Erni Erlingssyni skólastjóra Grunnskólans á Þingeyri.
Fræðslunefnd þakkar Ellerti fyrir vel unnin störf og óskar honum velfarnaðar í framtíðinni.
7. Önnur mál.
A. Rætt um umferð einkabifreiða á morgnana við Grunnskólann á Ísafirði en hún skapar mikla slysahættu. Fræðslunefnd felur starfsmanni að leita til tæknideildar Ísafjarðarbæjar eftir upplýsingum um hvernig umferð verði stýrt um nágrenni Grunnskólans í framtíðinni.
B. Þingfréttir Grunnskólans á Þingeyri fyrir tímabilið mars ? apríl lagðar fram til kynningar.
C. Grunnskólafulltrúi kynnti málstofu á vegum Saft ? samfélag, fjölskylda og tækni ? sem haldin verður fimmtudaginn 10. apríl 2008 kl. 20:00. Málstofan verður haldin í Grunnskólanum á Ísafirði.
Fleira ekki gert og fundi slitið kl. 17:13.
Einar Pétursson, formaður.
Kristín Hálfdánsdóttir
Gylfi Þór Gíslason
Margrét Geirsdóttir, forstöðum. Skóla- og fjölsk.
Kristín Ósk Jónasdóttir, grunnskólafulltrúi