Fræðslunefnd - 265. fundur - 13. nóvember 2007

Mætt voru: Einar Pétursson, formaður, Kristín Hálfdánsdóttir, Elías Oddsson og Gylfi Þór Gíslason. Soffía Ingimarsdóttir boðaði forföll og mætti Kristín Oddsdóttir í hennar stað. Jafnframt mættu á fundinn Margrét Geirsdóttir, forstöðumaður Skóla- og fjölskylduskrifstofu, Sigurlína Jónasdóttir, leikskólafulltrúi og Kristín Ósk Jónasdóttir, grunnskólafulltrúi.


Fundarritari: Margrét Geirsdóttir.

Leikskólamál


Mættir áheyrnarfulltrúar: Jóna Lind f.h. leikskólastjóra.

1. Hátt til lofts og vítt til veggja? ? Málþing á vegum Félags leikskólakennara


Félag leikskólakennara í samvinnu við Félag leikskólafulltrúa boðar til málþings um börn og byggingar. Málþingið fer fram þann 23. nóvember n.k. í Reykjavík.

2. Skólanámskrá Tjarnarbæjar


Skólanámskrá Tjarnarbæjar lögð fram til kynningar.

3. Ársskýrsla um faglegt starf í leikskólum Ísafjarðarbæjar.


Leikskólafulltrúi tók saman upplýsingar um faglegt starf úr ársskýrslum leikskólanna í Ísafjarðarbæ. Lagt fram til kynningar. 

4. Fjárhagsáætlun 2008 - leikskólar


Skólastjórar leikskólanna hafa tekið saman lista yfir viðbótarverkefni sem þeir telja að mikilvægt sé að setja fjármagn í á næsta fjárhagsári.  Fræðslunefnd styður framkomnar tillögur.

5. Önnur mál.


Sigurlína Jónasdóttir, leikskólafulltrúi kynnti samantekt um stuðning við starfsmenn leikskóla í námi.  Málinu frestað til næsta fundar fræðslunefndar. 

Grunnskólamál.


Mættir áheyrnarfulltrúar: Magnús S. Jónsson fyrir hönd skólastjóra. Fulltrúar kennara eru  þau Sigríður Steinunn Axelsdóttir og Sigurður Hafberg.

6. Fjárhagsáætlun 2008 - grunnskólar


Skólastjórar grunnskólanna hafa tekið saman lista yfir viðbótarverkefni sem þeir telja að mikilvægt sé að fá fjármagn í á næsta fjárhagsári. Mismunandi er á milli skóla hversu mörg verkefni eru sett fram og hver helstu áhersluatriði eru.  Fræðslunefnd styður framkomnar tillögur.

7. Framtíðarskólinn ? skólaþing sveitarfélaga


Samband íslenskra sveitarfélaga stendur fyrir skólaþingi sveitarfélaga þann 30. nóvember 2007. Helstu mál á dagskrá eru frumvörp um ný leik- og grunnskólalög sem og skólastefnu sambandsins.


Forstöðumaður Skóla- og fjölskylduskrifstofu og grunnskólafulltrúi mæta á þingið.

8. Skýr mörk ? uppbyggingarstefnan í GÍ


Stýrihópur Uppbyggingarstefnunnar í Grunnskólanum á Ísafirði sendu inn ,,skýr mörk? sem starfsmenn skólans hafa sett fram. Skýru mörkin hafa nú þegar verið kynnt foreldrum á aðalfundi foreldrafélagsins. Meðfylgjandi skýru mörkunum er vinnuplagg sem kennarar hafa til hliðsjónar.

9. Skólar á grænni grein


Lagt fram bréf frá Landvernd, stílað á sveitarstjórnir, þar sem verkefnið Skólar á grænni grein er kynnt. Á Íslandi eru nú rúmlega 100 skólar í verkefninu og í Ísafjarðarbæ er einn grunnskóli að vinna að því að fá grænfána en það er Grunnskólinn á Þingeyri.

10. Stuðningur við dönskukennslu


Menntamálaráðuneytið sendi út bækling er fjallar um mögulegan stuðning við dönskukennslu á Íslandi. Er þar fjallað um ýmis konar styrki, sem og sendi- og farkennara.  Lagt fram til kynningar.

11. Önnur mál.


Lagt fram bréf, dags. 9. nóvember 2007, frá Menntamálaráðuneytinu þar sem boðið er til fundar þar sem kynna á niðurstöður úr rannsókninni Ungt fólk 2007.  Kynningarfundurinn verður haldinn miðvikudaginn 14. nóvember 2007. 

Fleira ekki gert og fundi slitið kl. 17:20.

Einar Pétursson, formaður.


Elías Oddsson.     


Kristín Hálfdánsdóttir.


Gylfi Þór Gíslason.    


Kristín Oddsdóttir.


Margrét Geirsdóttir, Forstöðum. Skóla- og fjölskylduskr.   


Kristín Ósk Jónasdóttir, grunnskólafulltrúi.