Bæjarráð - 944. fundur - 19. september 2016

1.  

Nýherji hf. - samningur um tölvuþjónustu - 2012100042

Lögð er fram fyrirspurn Jónasar Þórs Birgissonar, bæjarfulltrúa Sjálfstæðisflokksins, frá 15. september sl., varðandi samning Ísafjarðarjarbæjar við Nýherja um tölvuþjónustu.

Bæjarráð felur bæjarstjóra að svara fyrirspurninni.

2.  

Boð á aðalfund Ferðamálasamtaka Vestfjarða og málþing um ferðamál - 2016090022

Lagt er fram til kynningar boð Ferðamálasamtaka Vestfjarða á aðalfund samtakanna og málþing um ferðamál sem haldið verður mánudaginn 19. september n.k.

Lagt fram til kynningar.

3.  

Sundabakki - framkvæmdir - 2016090029

Hafnarstjórn leggur til við bæjarstjórn að gert verði ráð fyrir fjármagni í frumhönnun framtíðaruppbyggingar og -skipulags á hafnarsvæðum sveitarfélagsins á fjárhagsáætlun 2017.

Bæjarráð tekur vel í beiðnina og vísar henni til fjárhagsáætlunar 2017.

4.  

Sundhöll Ísafjarðar Samkeppni - 2015090052

Lögð er fram fyrirspurn Jónasar Þórs Birgissonar um áfallinn kostnað bæjarins 14. september 2016 vegna samkeppninnar um Sundhöllina.

Bæjarráð felur bæjarstjóra að svara fyrirspurninni.

5.  

Mánaðaryfirlit 2016 - 2016050081

Lagt er fram minnisblað Helgu Ásgeirsdóttur, sérfræðings á stjórnsýslu- og fjármálasviði, dags. 16. september sl, um skatttekjur og laun janúar til ágúst 2016.

Helga mætir til fundarins og gerir grein fyrir skatttekjum og launum janúar til ágúst 2016.

Gestir

Helga Ásgeirsdóttir, sérfræðingur á stjórnsýslu- og fjármálasviðs - 08:15

Helga yfirgefur fundinn kl. 08:20.

6.  

Viðaukar við fjárhagsáætlun 2016 - 2016010036

Lagt fram minnisblað Eddu Maríu Hagalín, fjármálastjóra, dags. 13. september sl., um viðauka 6 vegna leiðréttingar á áætluðum efnahagsreikningi 2016 ásamt færslum viðaukans, yfirliti um fjárhagslegar ráðstafanir og leiðréttum áætluðum efnahagsreikningi 2016.

Edda María gerir grein fyrir viðauka nr. 6 vegna leiðréttinga á áætluðum efnahagsreikningi.
Bæjarráð leggur til við bæjarstjórn að viðaukinn verði samþykktur.

Gestir

Edda María Hagalín, fjármálastjóri - 08:22

Edda María yfirgaf fundinn kl. 8:31.

7.  

Hverfisráð Ísafjarðarbæ - 2011030002

Lögð er fram til kynningar fundargerð aðalfundar Hverfisráðs eyrar og efribæjar Ísafjarðarbæjar sem haldinn var 1. september sl.

Fundargerðin lögð fram til kynningar.