Bæjarráð - 748. fundur - 30. apríl 2012
Þetta var gert:
1. Fundargerðir nefnda.
Nefnd um byggingu hjúkrunarheimilis á Ísafirði 26/4. 16. fundur.
Fundargerðin er í fimm liðum.
Fundargerðin lögð fram til kynningar.
Starfshópur um framtíðarskipan Pollsins á Ísafirði 20/4. 1. fundur.
Fundargerðin er í fjórum liðum.
Fundargerðin lögð fram til kynningar.
Starfshópur um framtíðarskipan Pollsins á Ísafirði 27/4. 2. fundur.
Fundargerðin er í tveimur liðum.
Fundargerðin lögð fram til kynningar.
2. Minnisblað skóla- og sérkennslufulltrúa. - Inntaka barna í leikskóla Ísafjarðarbæjar. 2012-04-0036.
Lagt fram minnisblað Sigurlínu Jónasdóttur, skóla- og sérkennslufulltrúa Ísafjarðarbæjar, dagsett 24. apríl sl., er fjallar um stöðu mála vegna inntöku barna í leikskóla í Ísafjarðarbæ. Bæjarráð óskaði eftir þessu minnisblaði á 747. fundi sínum með tilvísun til 319. fundargerðar fræðslunefndar 5. liðar, er að neðan greinir.
,,5. 2012-04-0036 - Niðurgreiðsla til dagmæðra.
Lagt fram minnisblað frá Sigurlínu Jónasdóttur skóla- daggæslu- og sérkennslufulltrúa um tillögur að hækkun á niðurgreiðslu Ísafjarðarbæjar til dagforeldra vegna barna eldri en 15. mánaða sem eru í daggæslu í heimahúsi.
Fræðslunefnd leggur til við bæjarráð að skoða möguleikann á því að auka í 80.000 kr. niðurgreiðslu til dagforeldra með börnum sem eru orðin 18. mánaða og eru á biðlista eftir leikskólaplássi en hafa ekki fengið pláss. Hafni forráðamaður leikskólaplássi falli viðbótarniðurgreiðslan niður. Einnig mætti skoða möguleikann á þvi að hækka niðurgreiðslu barna eldri en 15 mánaða um 50%.“
Bæjarráð felur sviðsstjóra skóla- og tómstundasviðs að útfæra tillögur sem miða að því að bjóða öllum börnum sem verða 18 mánaða á þessu ári leikskólapláss í haust. Tillögunum á að fylgja kostnaðarmat. Í framhaldinu verði skoðað með niðurgreiðslur til dagforeldra.
3. Samstarfssamningar Héraðssambands Vestfirðinga og Ísafjarðarbæjar. 2012-03-0068.
Lagðir fram yfirfarnir, en óundirritaðir samstarfssamningar Héraðssambands Vestfirðinga og Ísafjarðarbæjar. Samningarnir hafa verið í meðförum bæjarráðs og íþrótta- og tómstundanefndar og ræddir á fundum með forsvarsmönnum HSV.
Bæjarráð leggur til við bæjarstjórn að samstarfssamningur og verkefnasamningur við Héraðssamband Vestfirðinga verði samþykktir.
4. Bréf sviðsstjóra umhverfis- og eignasviðs. - Hjúkrunarheimili á Ísafirði, undirbúningur lóðar. 2011-12-0009.
Lagt fram bréf Jóhanns Birkis Helgasonar, sviðsstjóra umhverfis- og eignasviðs Ísafjarðarbæjar, dagsett þann 25. apríl sl., er fjallar um opnun tilboða í verkið ,,Hjúkrunarheimili á Ísafirði, undirbúningur lóðar“. Alls bárust sex tilboð í verkið og eru þau frá eftirtöldum aðilum.
1. Vesturfell ehf. | kr. 19.623.250,- | 60,3% |
2. Gröfuþjónusta Bjarna ehf. | kr. 21.366.865,- | 65,6% |
3. Þotan ehf. | kr. 22.181.300,- | 68,1% |
4. Hálsafell ehf. | kr. 23.123.750,- | 71,0% |
5. Vestfirskir Verktakar ehf. | kr. 27.460.500,- | 84,4% |
6. Gámaþjónusta Vestfjarða | kr. 29.571.385,- | 90,8% |
7. Kostnaðaráætlun | kr. 32.553.000,- | 100% |
Sviðsstjóri umhverfis- og eignasviðs Ísafjarðarbæjar leggur til, að gengið verði til samninga við lægstbjóðanda Vesturfell ehf., Ísafirði, á grundvelli tilboðs fyrirtækisins.
Bæjarráð leggur til við bæjarstjórn að gengið verði til samninga við lægstbjóðanda, Vesturfell.
5. Bréf innanríkisráðuneytis. - Ársreikningar sveitarfélaga 2011, rafræn skil. 2012-03-0092.
Lagt fram bréf frá innanríkisráðuneytinu dagsett 20. apríl sl., er fjallar um rafræn skil til opinberra aðila á ársreikningum sveitarfélaga fyrir árið 2011. Með bréfinu vill ráðuneytið sérstaklega minna á rafræn skil til Hagstofu Íslands.
Lagt fram til kynningar.
6. Bréf Skipulagsstofnunar. - Breytingar á deiliskipulagi á Torfnesi, Ísafirði. 2011-04-0052.
Lagt fram bréf frá Skipulagsstofnun dagsett 18. apríl sl., er varðar breytingar á deiliskipulagi á Torfnesi, Ísafirði, stækkun svæðis og fækkun lóða. Skipulagsstofnun hefur yfirfarið gögn og gerir ekki athugasemd við að sveitarstjórn birti auglýsingu, um samþykkt deiliskipulagsbreytingarinnar í B-deild Stjórnartíðinda.
Lagt fram til kynningar.
7. Afrit af bréfi Umhverfisstofnunar til umhverfisráðuneytis. - Samstarf og samnýting húsnæðis fyrir Hornstrandastofu. 2012-02-0030.
Lagt fram afrit af bréfi Umhverfisstofnunar til umhverfisráðuneytis dagsett 23. apríl sl., er varðar samstarf og samnýtingu húsnæðis fyrir Hornstrandastofu í húsnæði Byggðasafns Vestfjarða í Neðstakaupstað á Ísafirði.
Bæjarráð vísar bréfinu til stjórnar Byggðasafnsins og Eignasjóðs til úrvinnslu.
8. Aðalfundur Félagsbæjar á Flateyri.
Lagður fram tölvupóstur frá Gísla Halldóri Halldórssyni um aðalfund Félagsbæjar á Flateyri.
Bæjarráð felur Gísla Halldóri Halldórssyni að fara með umboð Ísafjarðarbæjar á fundinum.
Fleira ekki gert, fundarbókun upp lesin og samþykkt. Fundi slitið kl. 8:40.
Eiríkur Finnur Greipsson, formaður bæjarráðs.
Albertína F. Elíasdóttir,
Arna Lára Jónsdóttir.
Daníel Jakobsson, bæjarstjóri, er jafnframt ritaði fundargerð.