Bæjarráð - 675. fundur - 25. október 2010


Þetta var gert:



 



1.         Fundargerðir nefnda.



            Félagsmálanefnd 19/10. 347. fundur.



            Fundargerðin er í sjö liðum.



            Fundargerðin lögð fram til kynningar.



 



            Umhverfisnefnd 20/10.  340. fundur.



            Fundargerðin er í tveimur liðum.



            Fundargerðin lögð fram til kynningar.



 



2.         Bréf Matvælastofnunar. - Vinnsluleyfi Harðfisks og Hákarls, Hnífsdal.



            2010-09-0009.



            Lagt fram bréf frá Matvælastofnun dagsett 13. október sl., er varðar fyrirspurn Ísafjarðarbæjar frá 4. október sl., til Matvælastofnunar er varðar synjun á vinnsluleyfi til fyrirtækisins Harðfisks og Hákarls í eigu Guðmundar Páls Óskarssonar, Hnífsdal.



            Bæjarráð felur bæjarstjóra að vinna áfram að málinu.



 



3.         Bréf Framkvæmdasjóðs Skrúðs. - Skrúður í Dýrafirði. 2010-06-0069.



            Lagt fram bréf frá Framkvæmdasjóði Skrúðs, Brynjólfi Jónssyni, formanni, dagsett í október 2010.  Efni bréfsins er um rekstur og uppbyggingu Skrúðs. Í bréfinu kemur fram tillaga um að skipaður yrði starfshópur með fulltrúum Ísafjarðarbæjar og fulltrúa Framkvæmdasjóðs Skrúðs.



            Tillaga bæjarráðs er að í nefndinni sitji formaður bæjarráðs og bæjartækni-fræðingur auk fulltrúa Framkvæmdasjóðs Skrúðs.       



 



4.         Minnisblað bæjarritara. - Söluferli Aðalgötu 1, Suðureyri. 2010-10-0009.



            Á 672. fundi bæjarráðs þann 4. október sl., var samþykkt að húseignin Aðalgata 1, ásamt bílskúr, Suðureyri, yrði auglýst til sölu hjá Fasteignasölu Vestfjarða.  Í framhaldinu var eignin auglýst og óskað eftir kauptilboðum í síðasta lagi 20. október sl.



Tvö kauptilboð bárust í húsið, er bæði miðast við staðgreiðslu við útgáfu afsals.  Er hér með óskað samþykkis bæjarráðs á að hærra tilboðinu verði tekið.



            Bæjarráð samþykkir að taka kauptilboði frá Berta G ehf., Guðbirni Kristmannssyni, Suðureyri, að upphæð kr. 3.200.000.- og felur bæjarstjóra að ganga frá sölunni.



 



 5.         Félags- og tryggingamálanefnd Alþingis. - Erindi til umsagnar.



            Lagt fram bréf frá félags- og tryggingamálanefnd Alþingis þar sem óskað er umsagnar um frumvarp til barnaverndarlaga, 56. mál. Þingskjalið er hægt að sækja á vef Alþingis.  Þess er óskað að umsögn berist fyrir 9. nóvember n.k. til nefndarsviðs Alþingis á netfangið nefndarsvid@althingi.is.



            Bæjarráð óskar umsagnar barnaverndarnefndar og Skóla- og fjölskylduskrifstofu Ísafjarðarbæjar.



 



 6.        Samb. ísl. sveitarf. - Fundargerð stjórnar frá 779. fundi.



            Lögð fram 779. fundargerð stjórnar Samb. ísl. sveitarf. frá fundi er haldinn var þann 13. október sl. í Alsherjarbúð að Borgartúni 30 í Reykjavík.



            Lagt fram til kynningar.



 



7.         Bréf Víðis Benediktssonar, Bolungarvík. - Húshitunarkostnaður.



            2010-10-0016.



            Lagt fram bréf frá Víði Benediktssyni, Bolungarvík, dagsett 6. október sl., ásamt ljósriti af grein er hann skrifaði í Morgunblaðið og fjallar um óþolandi mismun á húshitunarkostnaði á landsbyggðinni og höfuðborgarsvæðinu.



            Bæjarráð tekur fram, að á kynningarfundi Orkubús Vestfjarðar með sveitarstjórnarmönnum á norðanverðum Vestfjörðum nú fyrir skömmu, kom fram sú eindregna ósk, að orkuverð á veitusvæði OV verði jafnað milli þéttbýlis og dreifbýlis. Auk þess lýstu sveitarstjórnarmenn mikilvægi jöfnunar húshitunarkostnaðar á köldum svæðum.  Unnið er að þessu máli hjá Samtökum sveitarfélaga á köldum svæðum.   



 



 



Fleira ekki gert, fundarbókun upp lesin og samþykkt.  Fundi slitið kl. 8:40.



 



 



Þorleifur Pálsson, bæjarritari.



Eiríkur Finnur Greipsson, formaður bæjarráðs.



Albertína Elíasdóttir.                                                             



Arna Lára Jónsdóttir.



Daníel Jakobsson, bæjarstjóri.



Var efnið á síðunni hjálplegt?