Bæjarráð - 534. fundur - 9. júlí 2007
Þetta var gert:
1. Fundargerð nefndar.
Barnaverndarnefnd 5/7 85. fundur.
Fundargerðin er í tveimur liðum.
Fundargerðin lögð fram til kynningar.
Fræðslunefnd 26/6. 259. fundur.
Fundargerðin er í átta liðum.
8. liður. Bæjarráð f.h. bæjarstjórnar þakkar Ingibjörgu Maríu Guðmundsdóttur fyrir samstarfið á liðnum árum og óskar henni alls velfarnaðar í nýju starfi.
Fundargerðin lögð fram til kynningar.
Stjórn Skíðasvæðis Ísafjarðarbæjar 29/6. 14. fundur.
Fundargerðin er í þremur liðum.
Fundargerðin lögð fram til kynningar.
Umhverfisnefnd 27/6. 267. fundur.
Fundargerðin er í þrettán liðum.
Fundargerðin staðfest í heild sinni án athugasemda.
2. Byggðakvóti til Ísafjarðarbæjar. - Úthlutunarreglur staðfestar af
sjávarútvegsráðuneyti. 2007-03-0097.
Lagðar fram reglur vegna skiptingar byggðakvóta Ísafjarðarbæjar á einstaka byggðalög sveitarfélagsins. Reglurnar hafa verið staðfestar af sjávarútvegsráðuneyri og auglýstar í Stjórnartíðindum, samkvæmt auglýsingu nr. 588 þann 4. júlí 2007. Fiskistofa hefur þegar auglýst eftir umsóknum og er umsóknarfrestur til og með 20. júlí 2007.
Lagt fram til kynningar.
3. Gamla apótekið. - Stöðumat í júní 2007. 2007-07-0014.
Lagt fram bréf Ingibjargar M. Guðmundsdóttur, fráfarandi yfirmanni Skóla- og fjölskylduskrifstofu, dagsett 5. júlí s.l., er fjallar um stöðumat á Gamla apótekinu í júní 2007. Niðurstaða matsins er sú, að lagt er til að rekstri Ungmennahússins í Gamla apótekinu verði lokað sem slíku og að þær eignir, sem hugsanlega er hægt að nýta í félagsstarf ungmenna, verði fluttar í Félagsmiðstöð Ísafjarðarbæjar, enda í eigu sveitarfélagsins.
Bæjarráð vísar bréfi Ingibjargar M. Guðmundsdóttur til umsagnar í félagsmála- nefnd, fræðslunefnd og íþrótta- og tómstundanefnd.
4. Refa- og minkaveiðar í Ísafjarðarbæ 2007. - Upplýsingar um stöðuna.
2007-04-0068.
Lagt fram minnisblað frá starfsmanni landbúnaðarnefndar og bæjarritara dagsett 6. júlí s.l., þar sem gerð er grein fyrir þeim kostnaði er kominn er í refa- og minkaveiðar á þessu ári. Alls hafa verið greiddar kr. 2.277.631.- það sem af er árinu og er það um hálfri milljón króna fram yfir þá fjárhæð sem gert er ráð fyrir í fjárhagsáætlun ársins 2007. Ráðningartími skotmanna er til 31. júlí n.k.
Bæjarráð samþykkir að stöðva refa- og minkaveiðar á þessu ári, þar sem fjármagn til málaflokksins er búið.
5. Bréf Arnars Barðasonar ofl., Suðureyri. - Tónlistarnám utan
lögheimilissveitarfélags. 2007-07-0013.
Lagt fram bréf frá Arnari Barðasyni ofl., Suðureyri, dagsett 4. júlí s.l., er varðar kostnað við tónlistarnám utan lögheimilissveitarfélags og þátttöku sveitarfélagsins í þeim kostnaði. Um er að ræða nám í söng- og píanóleik.
Bæjarráð óskar umsagnar fræðslunefndar um erindið.
6. Bréf Lögsýnar ehf., Ísafirði. - Skuldajafnanir Ísafjarðarbæjar gagnvart
Heilbrigðisstofnun Ísafjarðarbæjar. 2007-07-0002.
Lagt fram bréf frá Lögsýn ehf., Ísafirði, dagsett 27. júní s.l., þar sem félagið f.h. Heilbrigðisstofnunar Ísafjarðarbæjar, mótmælir einhliða skuldajöfnun Ísafjarðarbæjar vegna húsaleigureikninga Ísafjarðarbæjar vegna íbúðar C á hjúkrunar- og dvalarheimilinu Tjörn, Þingeyri, á móti reikningum frá Heilbrigðisstofnuninni.
Bæjarráð felur bæjarstjóra að vinna að lausn málsins.
7. Bréf Rafhönnunar. - Styrking GSM farsímaþjónustu. 2007-07-0009.
Lagt fram bréf frá Rafhönnun í Reykjavík, dagsett þann 29. júní s.l., þar sem kynnt er væntanleg styrking GSM farsímaþjónustu á stofnvegum og nokkrum ferðamannastöðum. Í bréfinu kemur fram að væntanlegir verktakar munu sjá um alla samninga við sveitarfélög vegna framkvæmda.
Bæjarráð vísar bréfinu til umhverfisnefndar til kynningar.
8. Minnisblað bæjarritara. - Samstarfssamningur Hérðassambands
Vestfirðinga og Ísafjarðarbæjar. 2007-01-0079.
Lagt fram minnisblað bæjarritara dagsett 4. júlí s.l., ásamt endurskoðuðum drögum að samstarfssamningi á milli Hérðassambands Vestfirðinga og Ísafjarðarbæjar. Á fundi bæjarráðs þann 25. júní s.l., var bæjarstjóra falið að fara yfir samninginn og gera þær breytingar, sem um var rætt í bæjarráði.
Bæjarráð frestar afgreiðslu til næsta fundar.
9. Samningur sveitarfélaga á Vestfjörðum um menningarmál.
Lagður fram undirritaður samningur tíu sveitarfélaga á Vestfjörðum um menningarmál. Samningur er í tengslum við samning um samstarf ríkis og sveitarfélaga um menningarmál á Vestfjörðum. Samningurinn var undirritaður í Sævangi, Steingrímsfirði, þann 10. júní 2007.
Lagt fram til kynningar í bæjarráði og vísað til menningarmálanefndar.
10. Bréf fjármálastjóra. - Drög að reglum vegna greiðslu styrkja á
fasteignagjöldum af hesthúsum í Ísafjarðarbæ. 2007-05-0006.
Lagt fram bréf Þóris Sveinssonar, fjármálastjóra, dagsett 2. júlí s.l., ásamt tillögu að reglum um styrkveitingar er varða greiðslur fasteignagjalda af hesthúsum í Ísafjarðarbæ og aðlögun að breyttri álagningsprósentu af fasteignamati.
Bæjarráð samþykkir tillögu fjármálastjóra.
11. Bréf Hvetjanda hf. - Boðun aðalfundar 9. júlí 2007. 2007-06-0082.
Lagt fram bréf frá Hvetjanda hf., eignarhaldsfélagi, dagsett 22. júní s.l., þar sem boðað er til aðalafundar félagsins þann 9. júlí 2007. Bréfinu fylgja tillögur stjórnar um breytingar á starfsreglum Hvetjanda hf., eignarhaldsfélags.
Á aðalfund Hvetjanda hf. mætti Halldór Halldórsson, bæjarstjóri, Svanlaug Guðnadóttir, formaður bæjaarráðs og Sigurður Pétursson, bæjarráðsmaður. Halldór Halldórsson, bæjarstjóri, fór með atkvæði Ísafjarðarbæjar.
12. Bréf fjármálastjóra. - Mánaðarskýrsla, rekstur og fjárfestingar
janúar - maí 2007. 2007-06-0040.
Lagt fram bréf Þóris Sveinssonar, fjármálastjóra, dagsett 27. júní s.l., mánaðarskýrsla um rekstur og fjárfestingar janúar - maí 2007.
Lagt fram til kynningar.
13. Bréf Heilbrigðiseftirlits Vestfjarða. - Fundargerð heilbrigðisnefndar.
2007-02-0070.
Lagt fram bréf Heilbrigðiseftirlits Vestfjarða dagsett 25. júní s.l., ásamt 61. fundargerð heilbrigðisnefndar Vestfjarðasvæðis frá 22. júní 2007.
Lagt fram til kynningar.
14. Bréf Samb. ísl. sveitarf. - Námskeið um samningsstjórnun. 2007-07-0004.
Lagt fram bréf frá Samb. ísl. sveitarf. dagsett 26. júní s.l., er varðar námskeið fyrir sveitarfélög um samningsstjórnun þann 13. - 14. ágúst n.k. Námskeiðið verður að öllum líkindum haldið í Reykjavík og gera má ráð fyrir að kostnaður á þátttakanda verði um kr. 40.000.-.
Lagt fram til kynningar.
15. Gjaldskrá Vinnuskóla.
Lögð fram af Halldóri Halldórssyni, bæjarstjóra, tillaga að nýrri gjaldskrá fyrir Vinnuskóla Ísafjarðarbæjar fyrir árið 2007, þar sem tímagjaldi er breitt í fast gjald og afsláttur er veittur til eldri borgara og öryrkja.
Bæjarráð samþykkir tillöguna .
Fleira ekki gert, fundarbókun upp lesin og samþykkt. Fundi slitið kl. 18:00.
Þorleifur Pálsson, ritari.
Svanlaug Guðnadóttir, formaður bæjarráðs.
Birna Lárusdóttir.
Sigurður Pétursson.
Halldór Halldórsson, bæjarstjóri.