Bæjarráð - 526. fundur - 7. maí 2007
Þetta var gert:
1. Fundargerðir nefnda.
Byggingarnefnd framtíðarhúsnæðis Grunnskólans á Ísafirði 30/4. 18. fundur.
Fundargerðin er í þremur liðum.
Fundargerðin lögð fram til kynningar.
Hafnarstjórn 27/4. 125. fundur.
Fundargerðin er í þremur liðum.
Fundargerðin lögð fram til kynningar.
Skólanefnd Tónlistarskóla Ísafjarðar 23/8.06.
Fundargerðin er í níu liðum.
Fundargerðin lögð fram til kynningar.
Skólanefnd Tónlistarskóla Ísafjarðar 17/4.07.
Fundargerðin er í átta liðum.
Fundargerðin lögð fram til kynningar.
Fundargerð skólanefndar Tónlistarskóla Ísafjarðar vísað til fræðslunefndar.
2. Minnisblað bæjartæknifræðings. - Aðgerðir vegna ofanvatns ofan Urðarvegar á Ísafirði. 2007-04-0006.
Lagt fram minnisblað Jóhanns B. Helgasonar, bæjartæknifræðings, dagsett þann 2. maí s.l., er varðar vandamál við að losna við ofanvatn í leysingum ofan Urðarvegar á Ísafirði. Minnisblaðinu fylgir loftmynd þar sem fram kemur tillaga um gerð skurðar er leyst gæti þennan vanda. Jóhann Birkir kom inn á fund bæjarráðs undir þessum lið.
Bæjarráð felur bæjartæknifræðingi að vinna áfram með tillögu sína, þannig að samræmi verði milli tillögu hans og væntanlegra varna vegna ofanflóða.
3. Bréf Háskólaseturs Vestfjarða. - Umsókn um styrk. 2007-05-0010.
Lagt fram bréf frá Háskólasetri Vestfjarða dagsett 30. apríl s.l., umsókn um styrk frá Ísafjarðarbæ vegna Háskóla unga fólksins. Fyrirhugað er að dagana 11.-15. júní n.k., bjóði Háskólasetur Vestfjarða háskólanám fyrir ungt fólk fæddu 1991-1995, að sækja fjölda stuttra námskeiða. Óskað er eftir að Ísafjarðarbær leggi verkefninu til fjárstyrk að upphæð kr. 100.000.-.
Bæjarráð samþykkir styrk að fjárhæð kr. 100.000.-, sem færist á bókhaldsliðinn 21-81-995-1.
4. Afrit bréfs umhverfisráðuneytis til Olíudreifingar ehf. - Bréf umhverfisráðuneytis til Ísafjarðarbæjar vegna Olíudreifingar ehf. 2007-05-0004.
Lagt fram afrit af bréfi umhverfisráðuneytis til Olíudreifingar ehf., dagsett 27. apríl s.l., þar sem fjallað er um beiðni Olíudreifingar ehf., á framlengingu á tímabundinni undanþágu frá starfsleyfi fyrir olíubirgðastöð Olíudreifingar ehf. á Ísafirði.
Jafnframt er undir þessum lið dagskrár lagt fram bréf umhverfisráðuneytis til Ísafjarðarbæjar dagsett 30. apríl s.l., um sama mál. Þar kemur fram að ráðuneytið hafi veitt undanþágu á framlengingu starfsleyfis út árið 2008. Ráðuneytið óskar jafnfram eftir afstöðu Ísafjarðarbæjar til framtíðarstarfsemi Olíudreifingar ehf. á Ísafirði, sem fyrst eða eigi síðar en 1. júlí n.k. Ráðuneytið óskar ennfremur eftir fundi um málið á Ísafirði þann 15. maí n.k.
Bæjarráð vísar ofangreindum bréfum til umhverfisnefndar.
5. Minnisblað bæjarritara. - Erindi til bæjarráðs frá 224. fundi bæjarstjórnar. 2007-05-0033.
Lagt fram minnisblað bæjarritara dagsett 4. maí s.l., þar sem fram kemur tillaga er 224. fundur bæjarstjórnar Ísafjarðarbæjar vísaði til bæjarráðs. Tillagan var flutt af bæjarfulltrúum Í-lista og samþykkt 9-0. Tillagan fjallar um hugsanlega nýtingu Núpsskóla.
Bæjarráð felur bæjarstjóra að leita umsagna stofnana, samtaka og ráðuneyta, er málið kann að varða.
6. Bréf Heilbrigðiseftirlits Vestfjarða. - Fundargerð heilbrigðisnefndar. 2007-02-0070.
Lagt fram bréf frá Heilbrigðiseftirliti Vestfjarða dagsett 2. maí s.l., ásamt fundargerð heilbrigðisnefndar frá 27. apríl 2007.
Með tilvísun til umfjöllunar um slógmál í bréfi Heilbrigðiseftirlits Vestjarða frá 2. maí s.l., óskar bæjarráð eftir því við Samb. ísl. sveitarf., að Sambandið taki málið upp á sínum vettvangi, enda snýr það að sveitarfélögum vítt og breitt um landið.
Fundargerðin lögð fram til kynningar.
7. Starfsskýrsla Heilbrigðiseftirlits Vestfjarðasvæðis 2006. 2007-05-0009.
Lögð fram til kynningar í bæjarráði starfsskýrsla Heilbrigðiseftirlits Vestfjarða fyrir árið 2006.
Bæjarráð vísar starfsskýrslunni til umhverfisnefndar.
Fleira ekki gert, fundarbókun upp lesin og samþykkt. Fundi slitið kl. 18:03.
Þorleifur Pálsson, ritari.
Gísli H. Halldórsson, formaður bæjarráðs.
Svanlaug Guðnadóttir.
Sigurður Pétursson.
Halldór Halldórsson, bæjarstjóri.