Atvinnu- og menningarmálanefnd - 102. fundur - 26. ágúst 2010

Mættir: Ingólfur Þorleifsson, formaður, Sigurður Hreinsson og Hálfdán Bjarki Hálfdánsson, upplýsingafulltrúi Ísafjarðarbæjar, sem jafnframt ritaði fundargerð. Benedikt Bjarnason var fjarverandi og mætti Sigríður Ó. Kristjánsdóttir í hans stað.

Dagskrá fundarins:

1. Stefnumótun í atvinnumálum 2010-08-0057

Lagt er fram tilboð frá Atvinnuþróunarfélagi Vestfjarða í vinnu við stefnumótun í atvinnumálum.

Atvinnumálanefnd leggur til að tilboðinu verði tekið, en leggur jafnframt áherslu á að í stefnunni komi fram mælanleg markmið og viðmið.

2. Klasaverkefni byggingarfyrirtækja í Ísafjarðarbæ

Formaður gerði grein fyrir viðræðum við framkvæmdastjóra Vestfirskra verktaka og starfsmann Vaxtarsamnings Vestfjarða.

Samþykkt að boða fulltrúa Vestfirskra verktaka, Spýtunnar og Geirnaglans og starfsmann Vaxtarsamnings Vestfjarða á næsta fund nefndarinnar.

3. Önnur mál

Rætt um afhendingaröryggi raforku og möguleika á lagningu Hvalárlínu.

Fleira ekki gert og fundi slitið klukkan 17.12

Ingólfur Þorleifsson, formaður


Sigurður Hreinsson


Sigríður Ó. Kristjánsdóttir


Hálfdán Bjarki Hálfdánsson, upplýsingafulltrúi