Bæjarstjórn
Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir aðrar fundargerðir
Dagskrá
1.Fiskeldi - uppbygging og áskoranir - 2017060040
Ályktun bæjarstjórnar Ísafjarðarbæjar vegna tillagna starfshóps sjávarútvegs- og landbúnaðarráðherra um stefnumótun í fiskeldi sem gefnar voru út 23. ágúst 2017.
Fundi slitið - kl. 12:35.
Er hægt að bæta efnið á síðunni?
Kristján Andri Guðjónsson, forseti bæjarstjórnar Ísafjarðarbæjar leggur fram eftirfarandi ályktun f.h. allra bæjarfulltrúa:
„Bæjarstjórn Ísafjarðarbæjar gagnrýnir harðlega hugmyndir um að laxeldi í Ísafjarðardjúpi verði slegið á frest á grunni fyrirliggjandi áhættumats frá Hafrannsóknarstofnun.
Þá getur bæjarstjórn alls ekki sætt sig við að ekkert samráð sé haft við íbúa á norðanverðum Vestfjörðum í stefnumótun um fiskeldi og nánast látið sem þeir séu ekki til sem hagsmunaaðilar þegar kemur að laxeldi við Ísafjarðardjúp.
Bæjarstjórn gerir þá kröfu til sjávarútvegs- og landbúnaðarráðherra að hann setji á starfshóp með aðild sveitarfélaga við Djúp sem rýni framkomnar tillögur og áhættumat vegna laxeldis þar sem leitt verði í ljós hvað þarf til að fiskeldi geti hafist í Ísafjarðardjúpi án ónauðsynlegra tafa.
Ekki verður fallist á að laxar í Ísafjarðardjúpi eigi sér líffræðilega sérstöðu í samanburði við aðra íslenska laxa með þeim hætti að vernd þeirra geti talist náttúruvernd, enda voru ár í Ísafjarðardjúpi ræktaðar upp úr engu á 20. öldinni með laxastofnum víðsvegar að af landinu.
Ekki verður heldur fallist á að „Áhættumat vegna mögulegrar erfðablöndunar milli eldislaxa og náttúrulegra laxastofna á Íslandi“ sé í dag tilbúið til þess að verða gert að undirstöðuþætti í burðarþolsmati. Stutt er síðan hafist var handa við gerð áhættumatsins. Til þess að áhættumatið teljist vísindalegur grunnur þarf það að hljóta trausta vísindalega rýni þannig að leitt verði í ljós hvort nálgun áhættumatsins geti talist fullnægjandi.
Öll sveitarfélög á Vestfjörðum hafa mótað sameiginlega stefnu um sjálfbæra þróun í umhverfislegu og félagslegu tilliti. Það verður því ekki unað við að raunhæf þróun samfélagsins verði slegin af borðinu á veikum eða illa undirbúnum forsendum. Það er vilji Ísafjarðarbæjar að farið verði af stað með laxeldi í sjó í Ísafjarðardjúpi, en að það verði gert með fullri virðingu fyrir náttúru, umhverfi og mannlífi þannig að samfélög við Djúp fái að blómstra án þess að valda óafturkræfu tjóni á náttúru landsins.“
Forseti ber ályktunina upp til atkvæða.
Ályktunin samþykkt 9-0.