Bæjarstjórn

Á 417. fundi félagsmálanefndar var lagt til við bæjarstjórn að samþykkja breytingar á orðalagi á 1., 11., 14. og 19. gr. í reglum um fjárhagsaðstoð.

Á 417. fundi félagsmálanefndar var lagt til við bæjarstjórn að breytingar á reglum um sérstakan húsnæðisstuðning í Ísafjarðarbæ verði samþykktar, í samræmi við ábendingar félags- og jafnréttisráðherra.

Á 973. fundi bæjarráðs var lagt til við bæjarstjórn að samþykkja eftirfarandi tillögu um niðurfellingu gatnagerðargjalda af byggingu íbúðarhúsnæðis, bæjarráði var falið að útfæra tillöguna frá 398. fundi bæjarstjórnar:
"Bæjarstjórn samþykkir að fella gatnagerðargjöld af byggingum íbúðarhúsnæðis af hálfu einstaklinga niður á lóðum við þegar tilbúnar götur í sveitarfélaginu. Verði það gert á grundvelli sérstakrar lækkunarheimildar sem hægt er að veita skv. 6. gr. um gatnagerðargjöld nr. 153/2006. Ákvæðið tekur gildi eftir samþykkt þess í bæjarstjórn og varir til 31. desember 2017. Ákvæðið er ekki afturvirkt og miðað er við að framkvæmdir hefjist innan þessara tímamarka."

Tillaga frá 477. fundi skipulags- og mannvirkjanefndar sem haldinn var 17. maí 2017 um heimild til að greinargerð dags. 12.05.2017 og uppdráttur dags. 12.05.2017 verði auglýst skv. 1.mgr. 43.gr. skipulagslaga nr. 123/2010.

Tillaga frá 477. fundi skipulags- og mannvirkjanefndar sem haldinn var 17. maí 2017 um að heimila stofnun lóðar undir vegsvæði Vegagerðar.

Lögð er fram fundargerð 973. fundar bæjarráðs sem haldinn var 5. maí sl., fundargerðin er í 21 lið.

Lögð er fram fundargerð 974. fundar bæjarráðs sem haldinn var 15. maí sl., fundargerðin er í 18 liðum.

Lögð er fram fundargerð 417. fundar félagsmálanefndar sem haldinn var 3. maí sl., fundargerðin er í 8 liðum.

Lögð er fram fundargerð 47. fundar umhverfis- og framkvæmdanefndar sem haldinn var 9. maí sl., fundargerðin er í 4 liðum.