Bæjarstjórn

378. fundur 07. apríl 2016 kl. 17:00 - 18:25 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Nanný Arna Guðmundsdóttir forseti
  • Erla Rún Sigurjónsdóttir varamaður
  • Jónas Þór Birgisson aðalmaður
  • Arna Lára Jónsdóttir aðalmaður
  • Daníel Jakobsson aðalmaður
  • Marzellíus Sveinbjörnsson aðalmaður
  • Sigurður Jón Hreinsson aðalmaður
  • Kristín Hálfdánsdóttir aðalmaður
  • Gunnhildur Björk Elíasdóttir aðalmaður
Starfsmenn
  • Gísli Halldór Halldórsson bæjarstjóri
  • Þórdís Sif Sigurðardóttir bæjarritari
Fundargerð ritaði: Gísli Halldór Halldórsson bæjarstjóri
Dagskrá

1.Endurskoðun samþykkta vegna daggæslu í heimahúsum - 2012110034

Á 372. fundi bæjarstjórnar var samþykkt tillaga 404. fundar félagsmálanefndar Ísafjarðarbæjar við bæjarstjórn að meðferð umsókna um leyfi til daggæslu í heimahúsum yrði flutt af verksviði nefndarinnar til fræðslunefndar. Enn fremur samþykkti bæjarstjórn tillögu bæjarstjóra að breytingum á erindisbréfum fræðslunefndar og félagsmálanefndar og samþykktum um stjórn Ísafjarðarbæjar og fundarsköp bæjarstjórnar.

Bæjarstjóri leggur fram til annarrar umræðu breytingar á samþykktum um stjórn Ísafjarðarbæjar og fundarsköp bæjarstjórnar, sbr. 2. tölulið 15. gr. samþykktanna.
Til máls tóku: Nanný Arna Guðmundsdóttir, forseti og Gísli Halldór Halldórsson, bæjarstjóri.

Forseti ber tillöguna upp til atkvæða.
Tillagan samþykkt 9-0.

2.Tillögur að breytingum á fundum vegna ársreiknings Ísafjarðarbæjar - 2016030064

924. fundur bæjarráðs leggur til við bæjarstjórn að haldnir verði aukafundir í bæjarstjórn 28. apríl og 12. maí og að felldur verði niður bæjarstjórnarfundur 19. maí.
Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.
Tillagan samþykkt 9-0.

3.Vatnssala frá Ísafirði - Kaldalind - 2007080062

Á 909. fundi bæjarráðs samþykkti bæjarráð að framlengja samning við Köldulind ehf. um kaup á vatni frá Ísafirði til eins árs að teknu tilliti til athugasemda sem fram komu á fundinum. Bæjarstjóri hefur síðan unnið að framlengingu samningsins og gert nokkrar breytingar á ákvæðum hans.

Bæjarstjóri leggur til við bæjarstjórn að þau drög að samningi sem liggja fyrir fundinum verði samþykkt og bæjarstjóra falið að undirrita samninginn f.h. bæjarstjórnar.
Til máls tóku: Nanný Arna Guðmundsdóttir, forseti og Gísli Halldór Halldórsson, bæjarstjóri.

Forseti ber tillöguna upp til atkvæða.
Tillagan samþykkt 9-0.

4.Nefndarmenn 2014-2018 - 2014020030

Tillaga frá Í-lista um að Tinna Hrund Hlynsdóttir verði kosin varamaður í félagsmálanefnd í stað Magnúsar Bjarnasonar og að Magnús Bjarnason verði aðalmaður í félagsmálanefnd í stað Helgu Bjarkar Jóhannsdóttur.

Tillaga frá Í-lista um að Ólöf Dómhildur Jóhannsdóttir verði kosin aðalmaður í íþrótta- og tómstundanefnd í stað Guðrúnar Karlsdóttur.
Til máls tók: Nanný Arna Guðmundsdóttir, forseti, Marzellíus Sveinbjörnsson, Daníel Jakobsson, Arna Lára Jónsdóttir, Gísli Halldór Halldórsson, bæjarstjóri, Jónas Þór Birgisson og Kristín Hálfdánsdóttir.

Tekin er fyrir tillaga Í-listans um breytingu á nefndarmönnum í félagsmálanefnd.

Forseti ber tillögu Í-listans um breytingu á nefndarmönnum í félagsmálanefnd upp til atkvæða.
Tillagan samþykkt 9-0.


Tekin er fyrir tillaga Í-listans um breytingu á nefndarmönnum í íþrótta- og tómstundanefnd.

"Fulltrúi B-lista vísaði í samþykkt um stjórn Ísafjarðarbæjar og fundarsköp bæjarstjórnar og túlkaði þau þannig að bæjarstjórn gæti ekki skipt út nefndarmanni gegn hans vilja. Fulltrúi D-lista tók undir með fulltrúa B-lista að ákveðinn formgalli væri á tillögunni, þar sem ágreiningur væri um málið í bæjarstjórn. Með vísan í 42. gr. bæjarmálasamþykktar Ísafjarðarbæjar, gerði fulltrúi Í-lista breytingartillögu á tillögu um mannabreytingar í nefndinni".

Arna Lára Jónsdóttir leggur fram eftirfarandi breytingartillögu fyrir hönd Í-listans:
"Íþrótta- og tómstundanefnd skal skipuð eftirfarandi nefndarmönnum:
Kristján Andri Guðjónsson fyrir hönd Í-lista, formaður
Jón Ottó Gunnarsson fyrir hönd Í-lista, varaformaður
Ólöf Dómhildur Jóhannsdóttir fyrir hönd Í-lista, aðalmaður
Sif Huld Albertsdóttir fyrir hönd D-lista, aðalmaður
Þórir Karlsson fyrir hönd D-lista, aðalmaður

Lára Dagbjört Halldórsdóttir fyrir hönd Í-lista, varamaður
Guðjón Þorsteinsson fyrir hönd Í-lista, varamaður
Jóhanna Stefánsdóttir fyrir hönd Í-lista, varamaður
Heimir Gestur Hansson, fyrir hönd D-lista, varamaður
Þórdís Jónsdóttir, fyrir hönd D-lista, varamaður"

Forseti ber breytingartillöguna upp til atkvæða.

Marzellíus Sveinbjörnsson og Jónas Þór Birgisson gera grein fyrir atkvæði sínu.

Tillagan samþykkt 8-1.

5.Viðauki A við fjárhagsáætlun 2016 - 2016010036

924. fundur bæjarráðs leggur til við bæjarstjórn að viðauki A vegna aukins stöðugildis sérkennslustjóra og stuðningsfulltrúa á Eyrarskjóli á árinu 2016 verði samþykktur.
Til máls tóku: Nanný Arna Guðmundsdóttir, forseti og Gísli Halldór Halldórsson.

Forseti ber tillöguna upp til atkvæða.
Tillagan samþykkt 9-0.

6.Viðauki B við fjárhagsáætlun 2016 - 2016010036

924. fundur bæjarráðs leggur til við bæjarstjórn að viðauki B vegna byggingar þybbu (stuðkants) á Mávagarði á árinu 2016 verði samþykktur.
Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.
Tillagan samþykkt 9-0.

7.Smárateigur 4 - umsókn um byggingarleyfi - 2015110064

453. fundur skipulags- og mannvirkjanefndar leggur til við bæjarstjórn að samþykkja umsókn vegna Smárateigs 4 og leyfa breytta notkun úr sumarhúsi í garðplöntustöð. Nefndin felur skipulags- og byggingarfulltrúa að svara framkomnum athugasemdum úr grenndarkynningu.
Til máls tóku: Nanný Arna Guðmundsdóttir, forseti og Sigurður J. Hreinsson.

Sigurður J. Hreinsson leggur fram eftirfarandi breytingartillögu fyrir hönd Í-listans:
"Lagt er til að tillögunni verði vísað aftur til afgreiðslu í skipulags- og mannvirkjanefnd."

Forseti ber breytingartillöguna upp til atkvæða.
Tillagan samþykkt 9-0.

8.Sæborg í Aðalvík - stofnun þriggja lóða - 2016010020

453. fundur skipulags- og mannvirkjanefndar leggur til við bæjarstjórn að lóðir 1, 2 og 3 verði stofnaðar samkvæmt uppdrætti. Nefndin bendir á að til að reisa nýtt hús á landi Sæborgar, Sæbóls og Garða þurfi að liggja fyrir samþykki allra eigenda jarðanna.

Til máls tóku: Nanný Arna Guðmundsdóttir, forseti og Sigurður J. Hreinsson.

Forseti ber tillöguna upp til atkvæða.
Tillagan samþykkt 9-0.

9.Kirkjuból í Bjarnadal - Umsókn um framkvæmdaleyfi - 2016030068

453. fundur skipulags- og mannvirkjanefndar leggur til við bæjarstjórn að gefið verði út framkvæmdaleyfi fyrir 15kW heimarafstöð í landi Kirkjubóls í Bjarnadal enda sé það í samræmi við ákvæði Aðalskipulags um heimarafstöðvar.
Til máls tóku: Nanný Arna Guðmundsdóttir, forseti og Sigurður J. Hreinsson.

Forseti ber tillöguna upp til atkvæða.
Tillagan samþykkt 9-0.

10.Bæjarráð - 923 - 1603020F

Fundargerð 923. fundar bæjarráðs sem haldinn var 21. mars sl., fundargerðin er í 10 liðum.
Til máls tók: Nanný Arna Guðmundsdóttir, forseti.

Fundargerð lögð fram til kynningar.

11.Bæjarráð - 924 - 1604002F

Fundargerð 924. fundar bæjarráðs sem haldinn var 4. apríl sl., fundargerðin er í 9 liðum.
Til máls tóku: Nanný Arna Guðmundsdóttir, forseti, Kristín Hálfdánsdóttir, Gísli Halldór Halldórsson, bæjarstjóri, Jónas Þór Birgisson og Daníel Jakobsson.

Rætt var sérstaklega um 7. lið fundargerðarinnar.

Fundargerð lögð fram til kynningar.

12.Hátíðarnefnd - 8 - 1603015F

Fundargerð 8. fundar hátíðarnefndar sem haldinn var 29. mars sl., fundargerðin er í 1. lið.
Til máls tók: Nanný Arna Guðmundsdóttir, forseti.

Fundargerð lögð fram til kynningar.

13.Hátíðarnefnd - 9 - 1604004F

Fundargerð 9. fundar hátíðarnefndar sem haldinn var 5. apríl sl., fundargerðin er í 1 lið.
Til máls tók: Nanný Arna Guðmundsdóttir, forseti.

Fundargerð lögð fram til kynningar.

14.Skipulags- og mannvirkjanefnd - 453 - 1603010F

Fundargerð 453. fundar skipulags- og mannvirkjanefndar sem haldinn var 30. mars sl., fundargerðin er í 5 liðum.
Til máls tók: Nanný Arna Guðmundsdóttir, forseti.

Fundargerð lögð fram til kynningar.

Fundi slitið - kl. 18:25.

Er hægt að bæta efnið á síðunni?