Bæjarstjórn

354. fundur 29. desember 2014 kl. 18:00 - 19:00 í fundarsal 2.hæð
Nefndarmenn
  • Nanný Arna Guðmundsdóttir forseti
  • Kristján Andri Guðjónsson aðalmaður
  • Jónas Þór Birgisson aðalmaður
  • Arna Lára Jónsdóttir aðalmaður
  • Marzellíus Sveinbjörnsson aðalmaður
  • Sigurður Jón Hreinsson aðalmaður
  • Kristín Hálfdánsdóttir aðalmaður
  • Gunnhildur Björk Elíasdóttir aðalmaður
  • Martha Kristín Pálmadóttir varamaður
  • Gísli Halldór Halldórsson bæjarstjóri
  • Þórdís Sif Sigurðardóttir bæjarritari
Fundargerð ritaði: Gísli Halldór Halldórsson bæjarstjóri
Dagskrá

1.Útboð á fjármögnun Eyrar Hjúkrunarheimilis - 2014090018

Ákvörðun um að taka lán hjá Lánasjóði sveitarfélaga sem tryggt er með veði í tekjum sveitarfélagsins.
Til máls tóku: Nanný Arna Guðmundsdóttir, forseti, Gísli Halldór Halldórsson, bæjarstjóri, og Jónas Þór Birgisson.

Lögð er fram tillaga bæjarstjóra að ályktun:
"Bæjarstjórn Ísafjarðarbæjar samþykkir hér með að taka lán hjá Lánasjóði sveitarfélaga að fjárhæð kr. 650.000.000,- til 15 ára, í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur bæjarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til að fjármagna byggingu hjúkrunarheimilis og aðrar framkvæmdir samkvæmt fjárhagsáætlun sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Gísla H. Halldórssyni, kt. 151066-5779, veitt fullt og ótakmarkað umboð til þess f.h. Ísafjarðarbæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari."

Jónas Þ. Birgisson leggur fram eftirfarandi bókun frá bæjarfulltrúum sjálfstæðisflokksins:
"Á síðasta kjörtímabili var markvisst unnið að því að lækka raunskuldir bæjarins og náðist í því verki gríðarlegur árangur. Strax á fyrsta ári nýs meirihluta er snúið af þeirri braut og gert ráð fyrir mikilli skuldaaukningu bæjarsjóðs. Það er nokkuð sem glögglega má sjá við yfirferð á fjárhagsáætlun Ísafjarðarbæjar fyrir árið 2015 og þeir sem hana samþykktu bera ábyrgð á. Það sem hér um ræðir er hins vegar viðleitni fjármálastjóra bæjarins til að reyna að lágmarka kostnað bæjarins af þegar samþykktri skuldaaukningu árið 2015. Þá viðleitni fjármálastjóra styðjum við bæjarfulltrúar Sjálfstæðisflokksins heilshugar og samþykkjum því þessa tillögu."

Forseti ber tillögu bæjarstjóra til atkvæða.

Bæjarstjórn samþykkir tillöguna 9-0.

Fundi slitið - kl. 19:00.

Er hægt að bæta efnið á síðunni?