Bæjarstjórn

Tillaga frá 1343. fundi bæjarráðs, en fundur var haldinn 13. október 2025, um að bæjarstjórn samþykki gjaldskrá um félagslegt húsnæði, svo og þær tillögur sem fram koma í minnisblaði um verklag við breytingu gjaldskrár.

Lagt er til að almenn hækkun á leiguverði félagslegar íbúða verði 20% og verð per m2 fari úr 1767 kr. í 2120 kr. per m2 miðað við vísitölu 1. október 2025 sem þá er 657,6 og taki hún svo vísitöluhækkun frá þeim tíma.
Ekki er lögð til nein breyting á leiguverði þjónustuíbúða aldraðra önnur en almenn vísitöluhækkun samkvæmt samningum.
Lagt er til að farið verði að 37. gr. húsaleigulaga nr. 36 frá 1994 þar sem segir að þegar meira en 12 mánuðir séu liðnir frá gildistöku leigusamnings getur leigusali farið fram á hækkun leigufjárhæðar.
Þessi vinna þarf að vera gerð í mikilli samvinnu velferðarsviðs og Fasteigna Ísafjarðarbæjar.
Samhliða framkvæmi velferðarsvið félagslegt mat á aðstæðum leigjenda skv. reglum Ísafjarðarbæjar um félagslegt leiguhúsnæði. Þeim yrði sagt upp sem ekki uppfylla skilyrði reglnanna.

Tillaga frá 493. fundi velferðarnefndar, en fundur var haldinn 2. október 2025, um að bæjarstjórn samþykki gjaldskrá velferðarsviðs 2026, og að farið verði að tillögu B um afslátt af fasteignagjöldum aldraðra og öryrkja 2026, en uppfærðar reglur verði lagðar fram til samþykktar á næsta fundi.

Tillaga frá 493. fundi velferðarnefndar, en fundur var haldinn 2. október 2025, um að bæjarstjórn að samþykkja breytingar á reglum um heimaþjónustu, en um er að ræða breytingar á upphæðum í reglum um stuðningsþjónustu Ísafjarðarbæjar og að þær verði eftirleiðis birtar í gjaldskrá velferðarsviðs.

Tillaga frá 493. fundi velferðarnefndar, en fundur var haldinn 2. október 2025, um að bæjarstjórn samþykki breytingar á reglum um sérstakan húsnæðisstuðning, en um er að ræða endurskoðun á tekjuviðmiðum fyrir 2026.

Tillaga frá 178. fundi menningarmálanefndar, en fundur var haldinn 8. október 2025, um að bæjarstjórn samþykki breytingar á reglum Ísafjarðarbæjar um úthlutun styrkja til menningarmála og samþykkir tillögur sviðsstjóra samkvæmt minnisblaði um einföldum verklags vegna stjórnsýslu menningarstyrkja.

Tillaga frá 1341. fundi bæjarráðs, sem haldinn var 29. september 2025, um að bæjarstjórn samþykki breytingar á samþykkt um stjórn Ísafjarðarbæjar og viðauka nr. 3-12, með þeim breytingum sem fram koma í minnisblaði sviðsstjóra, og hafa nú verið færðar inn í framlögð skjöl.

Tillaga frá 160. fundi umhverfis- og framkvæmdanefndar, sem haldinn var 18. september 2025, um að bæjarstjórn samþykki að Ísafjarðarbær fjárfesti í moltustöð og komi sér upp húsnæði og sjái sjálft um daglegan rekstur. Gera þarf ráð fyrir fjárfestingu í framkvæmdaáætlun.

Og jafnframt að bæjarstjórn veiti umhverfis- og eignasviði heimild til að auglýsa útboð á sorphirðu og förgun í Ísafjarðarbæ á grundvelli framangreindra útboðsdraga og óbreytts fyrirkomulags þjónustunnar.

Málið var jafnframt tekið fyrir á 1342. fundi bæjarráðs, þann 6. október 2025, þar sem bæjarráð tók undir tillögu umhverfis- og framkvæmdanefndar.

Á 558. fundi bæjarstjórnar, þann 30. september 2025, var málið tekið fyrir en afgreiðslu frestað.

Tillaga frá 178. fundi menningarmálanefndar, en fundur var haldinn 8. október 2025, um að bæjarstjórn samþykki endurnýjun samstarfssamning Ísafjarðarbæjar og Kómedíuleikhússins til næstu 3 ára, en núgildandi samningur rennur út í lok árs 2025. Þá leggur nefndin til að fjárhæð samningsins hækki úr kr. 1.750.000 í kr. 2.000.000 árlega.

Tillaga frá 264. fundi hafnarstjórnar, sem haldinn var 1. október 2025, um að bæjarstjórn samþykki samning um afnot af björgunarskipinu Gísla Jóns sem varalóðs, en samningurinn gildir til ársins 2029, og greiðsla pr. ár er kr. 5.000.000.

Tillaga frá 1342. fundi bæjarráðs, en fundur var haldinn 6. október 2025, um að bæjarstjórn samþykki nýjan þjónustusamning við Björgunarsveitina Tinda í Hnífsdal til 5 ára.

Tillaga frá 1340. fundi bæjarráðs, en fundur var haldinn 22. september 2025, um að bæjarstjórn samþykki endurnýjun samnings til 5 ára og að forsenda samnings sé ekki bundin við uppbyggingu sögusýningar Skíðafélags Ísfirðinga, heldur megi sjá fyrir sér notkun hússins í tengslum við íþrótta- og tómstundastarfsemi, s.s. skotíþróttir, mótorkross og fjallahjólreiðar.

Tillaga frá 493. fundi velferðarnefndar, en fundur var haldinn 2. október 2025, um að bæjarstjórn samþykki samning við Starfsendurhæfingu Vestfjarða, en um er að ræða tilraunarverkefni til eins árs, í formi mánaðarlegs fjárframlags sem nýtist til virkniúrræða sem efla vinnufærni einstaklinga. Kostnaður vegna úrræðisins getur að hámarki orðið kr. 7.200.000 á samningstímanum.

Tillaga frá 1343. fundi bæjarráðs, en fundur var haldinn 13. október 2025, um að bæjarstjórn samþykki framlagðar tillögur að samningi, skipuriti og starfsreglum farsældarráðs Vestfjarða.

Mál tekið inn með afbrigðum.

Kjósa þarf nýjan aðal- og varafulltrúa í stjórn Blábanka á Þingeyri f.h. Ísafjarðarbæjar, en aðalfundur verður haldinn síðar í október. Bæjarstjóri leggur til að Svanlaug Másdóttir verði kosin aðalfulltrúi, og Tinna Ólafsdóttir varafulltrúi.

Lögð fram til kynningar fundargerð 1342. fundar bæjarráðs, en fundur var haldinn 6. október 2025.

Fundargerðin er í 7 liðum.

Lögð fram til kynningar fundargerð 1343. fundar bæjarráðs, en fundur var haldinn 13. október 2025.

Fundargerðin er í 18 liðum.

Lögð fram til kynningar fundargerð 264. fundar hafnarstjórnar, en fundur var haldinn 1. október 2025.

Fundargerðin er í 7 liðum.

Lögð fram til kynningar fundargerð 178. fundar menningarmálanefndar, en fundur var haldinn 8. október 2025.

Fundargerðin er í 6 liðum.

Lögð fram til kynningar fundargerð 660. fundar skipulags- og mannvirkjanefndar, en fundur var haldinn 9. október 2025.

Fundargerðin er í 10 liðum.

Lögð fram til kynningar fundargerð 493. fundar velferðarnefndar, en fundur var haldinn 2. október 2025.

Fundargerðin er í 8 liðum.