Bæjarstjórn

350. fundur 16. október 2014 kl. 17:00 - 19:00 í fundarsal 2.hæð
Nefndarmenn
  • Nanný Arna Guðmundsdóttir forseti
  • Jónas Þór Birgisson aðalmaður
  • Arna Lára Jónsdóttir aðalmaður
  • Marzellíus Sveinbjörnsson aðalmaður
  • Sigurður Jón Hreinsson aðalmaður
  • Kristín Hálfdánsdóttir aðalmaður
  • Gunnhildur Björk Elíasdóttir aðalmaður
  • Gunnar Jónsson varamaður
  • Martha Kristín Pálmadóttir varamaður
  • Gísli Halldór Halldórsson bæjarstjóri
  • Þórdís Sif Sigurðardóttir bæjarritari
Fundargerð ritaði: Gísli Halldór Halldórsson bæjarstjóri
Dagskrá

1.Endurskoðuðun erindisbréfa - 2012110034

Lagðar eru fram tillögur að erindisbréfum skipulags- og mannvirkjanefndar og umhverfis- og framkvæmdanefndar.
Til máls tóku: Nanný Arna Guðmundsdóttir, forseti, Marzellíus Sveinbjörnsson, Gísli Halldór Halldórsson, bæjarstjóri og Arna Lára Jónsdóttir.

Forseti ber tillögu að erindisbréfi skipulags- og mannvirkjanefndar til atkvæða með þeirri breytingu að í kaflanum um starfsmannamál skuli standa "til bæjarstjóra" en ekki "til bæjarstjórnar".
Bæjarstjórn samþykkir tillöguna 9-0.

Forseti ber tillögu að erindisbréfi umhverfis- og framkvæmdanefndar til atkvæða með þeirri breytingu að í kaflanum um starfsmannamál skuli standa "til bæjarstjóra" en ekki "til bæjarstjórnar".
Bæjarstjórn samþykkir tillöguna 9-0.

2.Endurskoðun bæjarmálasamþykktar Ísafjarðarbæjar - 2012120018

Lögð er fram tillaga að breyttum samþykktum um stjórn Ísafjarðarbæjar og fundarsköp bæjarstjórnar, vegna breytinga á nefndum sveitarfélagsins.
Til máls tóku: Nanný Arna Guðmundsdóttir, forseti, Arna Lára Jónsdóttir, Kristín Hálfdánsdóttir og Gísli Halldór Halldórsson, bæjarstjóri.

Gísli Halldór Halldórsson, bæjarstjóri, leggur til að fresta afgreiðslu bæjarmálasamþykkta vegna fyrirhugaðra breytinga á atvinnumálanefnd.

Nanný Arna Guðmundsdóttir ber tillögu bæjarstjóra til atkvæða.

Bæjarstjórn samþykkir tillöguna 9-0.

3.Setning siðareglna kjörinna fulltrúa - 2011070026

Lögð er fram tillaga að siðareglum kjörinna fulltrúa Ísafjarðarbæjar.
Til máls tóku: Nanný Arna Guðmundsdóttir, forseti, Marzellíus Sveinbjörnsson, Kristín Hálfdánsdóttir, Gunnar Jónsson, Kristín Hálfdánsdóttir, Gísli Halldór Halldórsson, Arna Lára Jónsdóttir og Jónas Þór Birgisson.

Gísli Halldór Halldórsson lagði til að bæjarstjóra yrði falið að skoða reglurnar í samræmi við umræður á fundinum og leggja fyrir næsta fund bæjarstjórnar.

Forseti bar tillögu bæjarstjóra til atkvæða.

Bæjarstjórn samþykkti tillöguna 9-0.

4.Breyting á lögreglulögum og sýslumannsumdæmum - 2014060030

Lögð eru fram drög að ályktun vegna breytinga á lögreglulögum og sýslumannsumdæmum.
Til máls tóku: Nanný Arna Guðmundsdóttir, forseti, Kristín Hálfdánsdóttir, Arna Lára Jónsdóttir, Marzellíus Sveinbjörnsson, Jónas Þór Birgisson, Gunnar Jónsson, Sigurður Hreinsson.

Tillaga forseta að ályktun:
"Bæjarstjórn Ísafjarðarbæjar ítrekar þá skoðun sína að aðsetur sýslumanns og lögreglustjóra verði í Ísafjarðarbæ. Það er til þess fallið að draga úr vægi Ísafjarðarbæjar sem höfuðstaðar Vestfjarða og styrk þeirra stofnana sem um ræðir að þessir mikilvægu embættismenn verði ekki til staðar. Flutningur verkefna innan Vestfjarða er ekki líklegur til að styrkja byggðir svæðisins. Eins og samgöngumálum er háttað á Vestfjörðum, þar sem ekki er fært milli suður- og norðursvæða Vestfjarða stærstan hluta ársins, er eðlilegt að sömu sjónarmið verði lögð til grundvallar eins og t.d. í Vestmannaeyjum og sérstök embætti verði staðsett á Patreksfirði."

Kristín Hálfdánsdóttir leggur til breytingartillögu að ályktuninni þannig að síðasta verði felld út úr ályktuninni og ályktunin verði svohljóðandi:
"Bæjarstjórn Ísafjarðarbæjar ítrekar þá skoðun sína að aðsetur sýslumanns og lögreglustjóra verði í Ísafjarðarbæ. Það er til þess fallið að draga úr vægi Ísafjarðarbæjar sem höfuðstaðar Vestfjarða og styrk þeirra stofnana sem um ræðir að þessir mikilvægu embættismenn verði ekki til staðar. Flutningur verkefna innan Vestfjarða er ekki líklegur til að styrkja byggðir svæðisins."

Forseti bar tillögu Kristínar Hálfdánsdóttur til atkvæða.
Bæjarstjórn samþykkti tillöguna 8-0.

Forseti bar ályktunina með breytingum Kristínar Hálfdánsdóttur til atkvæða.
Bæjarstjórn samþykkti ályktunina 7-1. Gunnar Jónsson gerði grein fyrir atkvæði sínu.

5.Bæjarráð 6/10 - 1410001F

856. fundur
Til máls tóku: Nanný Arna Guðmundsdóttir, forseti, Kristín Hálfdánsdóttir, Arna Lára Jónsdóttir, Sigurður Hreinsson og Gísli Halldór Halldórsson, bæjarstjóri.

Fundargerðin er í 10 liðum.
Fundargerðin lögð fram til kynningar.

6.Bæjarráð 13/10 - 1410003F

857. fundur
Til máls tók: Nanný Arna Guðmundsdóttir, forseti.

Fundargerðin er í 17 liðum.
Fundargerðin lögð fram til kynningar.

7.Fræðslunefnd 2/10 - 1409015F

349. fundur
Til máls tók: Nanný Arna Guðmundsdóttir, forseti.

Fundargerðin er í 6 liðum.
Fundargerðin lögð fram til kynningar.

8.Félagsmálanefnd 30/9 - 1409017F

391. fundur
Til máls tók: Nanný Arna Guðmundsdóttir, forseti.

Fundargerðin er í 7 liðum.
Fundargerðin lögð fram til kynningar.

9.Skipulags- og mannvirkjanefnd 8/10 - 1409006F

420. fundur
Til máls tók: Nanný Arna Guðmundsdóttir, forseti.

Fundargerðin er í 8 liðum.
Fundargerðin lögð fram til kynningar.

10.Nefnd um umhverfis- og framkvæmdamál 9/10 - 1410002F

4. fundur
Til máls tóku: Nanný Arna Guðmundsdóttir, forseti, Kristín Hálfdánsdóttir, Gunnar Jónsson, Marzellíus Sveinbjörnsson, Gunnhildur Elíasdóttir, Jónas Þór Birgisson, Nanný Arna Guðmundsdóttir, Gunnhildur Elíasdóttir, Gísli Halldór Halldórsson og Sigurður Hreinsson.

Fundargerðin er í 6 liðum.
Fundargerðin lögð fram til kynningar.

Fundi slitið - kl. 19:00.

Er hægt að bæta efnið á síðunni?