Bæjarstjórn

Bæjarstjóri leggur til við bæjarstjórn að viðauki 5 við fjárhagsáætlun 2020 vegna Blábankans verði samþykktur. Um er að ræða aukinn styrk til Blábankans að fjárhæð 2.000.000,- sem samþykktur var við samþykkt fjárhagsáætlunar 2020 þann 5. desember 2019 á 447. fundi bæjarstjórnar. Þessum kostnaði er mætt með lækkun á ófyrirséðum kostnaði. Áhrif viðaukans á rekstrarniðurstöður samantekins A og B hluta Ísafjarðarbæjar er því kr. 0,- eða óbreytt afkoma kr. 168.000.000,-. Áhrifin á sveitasjóð A hluta er kr. 0,- eða óbreytt afkoma kr. 24.000.000,-

Á 535. fundi skipulags- og mannvirkjanefnd sem haldinn var 26. febrúar sl. lagði nefndin til við bæjarstjórn að heimila uppskiptingu lóðar Núpur Héraðsskól lnr. 140979 í tvær nýjar landeignir. Lóðinni Núpur Héraðsskóli landnúmer 140979 yrði skipt upp í þrjár smærri lóðir, þ.e. Núpur Héraðsskóli 1 (nýi skólinn), Núpur Héraðsskóli 2 (kvennavist), og Núpur Héraðsskóli 3 (gamli skólinn) um er að ræða tvær nýjar landeignir.

Bæjarfulltrúar bæjarstjórnar Ísafjarðarbæjar leggja fram tillögu að eftirfarandi bókun:
„Bæjarstjórn Ísafjarðarbæjar áréttar mikilvægi Reykjavíkurflugvallar fyrir landsbyggðina.
Reykjavíkurflugvöllur er miðstöð innanlands- og sjúkraflugs og sinnir þannig brýnum öryggishagsmunum almennings. Eina hátæknisjúkrahús landsins rís nú við Hringbraut í Reykjavík og sú staðsetning er ákveðin vegna nálægðar við flugvöllinn, mínútur telja þegar mannslíf eru í húfi og því er mjög mikilvægt að horft sé til sjúkraflugs þegar ákvarðanir af þessu tagi eru teknar. Opinber þjónusta er í auknum mæli að færast til höfuðborgarinnar og er mikilvægi góðra og hraðra samgangna til Reykjavíkur í raun að aukast. Langflestar höfuðstöðvar opinberra stofnanna eru staðsettar á höfuðborgarsvæðinu og þurfa íbúar, fyrirtæki og sveitarfélög á landsbyggðinni að hafa gott aðgengi að þeim sem og annarri þjónustu einkaaðila sem í mörgum tilfellum er eingöngu að finna á höfuðborgarsvæðinu. Aðgengi allra landsmanna að þjónustu, hvort sem hún er opinber eða frá einkaaðilum, þarf að vera í samræmi við þarfir nútíma samfélaga.“

Á 206. fundi íþrótta- og tómstundanefnd sem haldinn var 4. mars sl. lagði nefndin til við bæjarstjórn að úthlutað yrði til þeirra sex félaga sem sóttu um fyrir árið 2020. Nefndin leggur áherslu á að félögin skili lokaskýrslu um verkið 15. nóvember 2020. Heildarúthlutun er kr. 12.000.000,- sem skiptist þannig að sex félög fái kr. 1.833.000,- og ein deild innan SFÍ fái kr. 1.000.000,-.

Á 1096. fundi bæjarráðs lagði bæjarráð til við bæjarstjórn Ísafjarðarbæjar að ákveða að fara að tillögu Ríkiskaupa í útboði 21075 og mun tilkynning um val tilboðs verða send bjóðendum í útboðskerfinu. Tilkynnt verður um töku tilboðs þegar biðtíma er lokið, ef engin kæra berst til kærunefndar útboðsmála. Við töku tilboða er komið á samningssamband milli kaupanda og seljanda.

Lögð er fram fundargerð 1096. fundar bæjarráðs sem haldinn var 2. mars sl. Fundargerðin er í 15 liðum.

Lögð er fram til kynningar fundargerð 1095. fundar bæjarráðs sem haldinn var 24. febrúar sl. Fundargerðin er í 11 liðum.

Lögð er fram fundargerð 168. fundar barnaverndarnefndar á norðanverðum Vestfjörðum. Fundargerðin er í 1 lið.

Lögð er fram til kynningar fundargerð 414. fundar fræðslunefndar sem haldinn var 27. febrúar sl. Fundargerðin er í 6 liðum.

Lögð er fram til kynningar fundargerð 535. fundar skipulags- og mannvirkjanefndar sem haldinn var 26. febrúar sl. Fundargerðin er í 34. liðum.

Lögð er fram fundargerð 94. fundar umhverfis- og framkvæmdanefndar er haldinn var 25. febrúar sl. Fundargerðin er í 4 liðum.

Lögð er fram fundargerð 5. fundar ungmennaráðs Ísafjarðarbæjar sem haldinn var 25. febrúar sl. Fundargerðin er í 1 lið.